Sometimes I look at you
Morag sa akong paminaw, naglutaw ko sa cloud nine. Hilom gyud kong nalipay kay human sa akong klase anang pagka udto,
lunch time, sa Jollibee sa Colon ko mikaon. Daghan kaayog mga kustomer. May gani kay dunay usa ka bakanteng lamesa nga akong napahimutangan. Ug samtang nagkaon ko, usa ka lalaki nga nagsapwang sa tray nga gibutangan sa iyang mga pagkaon ug drinks ang miduol nako. “Can I join you, Miss?”
Wa gyud ko makatingog dayon, uy! Nagbuka lang ang akong baba nga mitutok pagayo sa lalaki. Nagdamgo ba ko? Hilom kong nakaingon. Unya hinay kong mitando. Dasig ang lalaki samtang naglingkod na sa akong atbang ug naghinay-hinay sa pagkaon. Nagsige siyag pahiyom. Ug ako sab, aw nagpahiyom kanunay niya. Kawa’a gyud nako magdahom nga aning adlawa magkauban mig paniudto sa lalaki nga nakahatag gyud og kahasol nako.
“Kining, Miss, ako diay si Clark.”
Gitunol sa lalaki ang tuo niyang nako. Aw, unsa pay dugayan? Nakiglamano ko niya.
“Mona. Just call me Mona.” Dali kong mipaila sa akong ngalan.
“Nakakita na ko nimo, Clark sa Mall. May kauban gani kang girl. At the same
day, nakita gihapon ko kamo nga nangaon sa Mang Inasal.” Miiinom ko sa pineapple
juice sa akong baso. Mihangad-hangad si Clark, klaro nga naghunahuna. “Ah, husto. Kauba ko si Bea.” Gusto unta kong mangutana kang Clark kon unsa sa iyang kinabuhi si Bea. But nahunahuna nako nga personal life niya kini. Aside from that, basig mahunahuna ni Clark nga himantayon kong pagka babaye kay bisag karon pa mi nagkaila, nagpakisusi na ko sa iyang kinabuhi. Naghuwat na lang ko nga mosugilon siya nako bahin kang Bea. Apan
wa na siya maghisgot ani. “So, this is the beginning, Mona.”
Nindot kaayog pinahiyoman si Clark.
“Beginning sa unsa Clark?” Nakalitan ko. “Sa ato gung friendship.” Nahikatawa ko. Abi kog unsa nay gipasabot ni Clark sa iyang giingon.
“Aw, oo, uyAmbot ba, morag way kabutangan sa akong kaugalingon ang dakong kalipay nga gibati ko niadtong tungora. Nagkuyog pa gyud mi si Clark sa pagpanggawas sa Jollibee. Ug sa wa pa mi magbuwag, naghatagay mi sa number sa among selpon.