16 RA KUTOB
Sagunson nga daog sa Celtics giputol sa Heat
Gisilaban sa host Miami Heat ang Boston Celtics, 104-98, aron putlon ang 16 ka sunodsunod nga kadaugan niini sa National Basketball Associa- tion (NBA) kagahapon.
Gipangulohan ni Goran Dragic ang kadaugan pinaagi sa iyang 27 puntos, nidugang og 26 puntos si Dion Waiters samtang nitampo og 16 puntos si Tyler Johnson.
Ang Heat, nga ningsaka sa
8-9 nga rekord, maoy labing unang nakapukan sa Celtics gikan niadtong Oktubre 18.
“You can tell they were locked into this game,” asoy ni Celtics superstar Kyrie Irving. “They wanted it and proved it.”
Miabot sa 18 puntos ang labing dakong labaw sa Heat sa duwa ug igo ra kining napahak sa Celtics ngadto sa 14 puntos sa tungatungang bahin sa 4th quarter.
Sa miagi nilang lima upat ka mga duwa, ang Celtics nakabangon gikan sa 18 puntos nga biya batok sa Oklahoma City ug Charlotte Hornets, 17 batok sa Golden State Warriors, 16 batok sa Atlanta Hawks ug 13 batok sa Dallas Mavericks.
Hapit kini nabuhat pagbalik sa Celtics.
Nagpabuto ang Celtics og 13-0 nga rally aron mosikit sa Heat, 90-91, sa nahabiling 3:14 minutos.
Ning higayuna, daw nag-inusarang sundalo nga giagak ni Waiters ang Heat.
Nagpabuto og duha ka sunodsunod nga three-point
bombs si Waiters aron inaton og balik ang labaw sa Heat ngadto nsa 97-91. Human niini, wala na nakabangon ang Celtics. “I knew I had what I wanted,” matod ni Waiters.
Nagkanayon si Heat coach Fil-Am Erik Spoelstra nga hinayhinay nang nagbunga ang ilang paninguha sa ensayo diin nagsunod sila og sama sa training camp.
“Our identity is to be tough and we haven’t shown that consistently enough,” asoy ni Spoelstra.
“Pockets, here and there. It’s that kind of effort to get a sixpoint win. Nothing is guaranteed, but that has to be what we embrace all the time. So, good. How about next game?”
Ang Celtics, nga nahagbong sa 16-3 nga rekord, gipangulohan ni Irving pinaagi sa iyang 23 puntos, niamot og 18 puntos si Jayson Tatum samtang nidugang og 14 puntos matag usa sila si Jaylen Brown ug Marcus Morris.
Sa laing gikaintapang duwa, gipangmakmak sa host Oklahoma City Thunder ang
defending champion Golden State Warriors, 108-91.
Gipangulohan sa kasamtangang MVP nga si Russell Westbrook ang kadaugan pinaagi sa iyang 34 puntos, nihatag og 22 puntos si Carmelo Anthony samtang nitampo 20 puntos si Paul George.
Ang Warriors gipangulohan ni Stephen Curry pinaagi sa iyang 24 puntos samtang niamot og 21 puntos ang kanhi sakop sa Thunder nga si Kevin Durant.