Informal settlers duol sa mga sapa ipahiluna sa relocation site: Del Mar

Gitataw ni Konsehal Carmelino del Mar sa konseho sa dakbayan sa Mandaue nga gibuhat na ang tanan sa dakbayan aron mapahimutang sa saktong relocation site ang informal settlers sa dakbayan nga anaa nanimuyo kilid sa mga sapa sa dakbayan.

Sa dihang nahinabi sa mga tigbalita, si Del Mar niingon nga kasamtangang nakignegosasyon ang dakbayan sa pagpalit sa 5,000 square meters nga luna sa may Casili ug Cubacub aron mapahimutang ang mga pamilyang nagpuyo sud sa 3-meter easement.

“One thing is for sure nga ang city is doing everything gyud nga mapahimutang ang mga informal settlers not just in Butuanon but all rivers in Mandaue,” matod ni Del Mar. Paambit niya nga sa may sapa sa Butuanon habig sa Mandaue, adunay mga 700 ka pamilyahan ang nagpuyo kilid sa sapa.

Matod niya nga dako og tabang sa dakbayan kon matinuod ang gisaad ni kanhi Department of Environment and Natural Resources (DENR) Secretary Gina Lopez sa pagbisita niini sa Mandaue sayo ning semanaha nga mohangyo kini sa Department of Agriculture (DA) 7 nga idonar na lang ang luna niini sa dakbayan aron matukuran kini og

medium-rise building isip relokasyon sa informal settlers.

“One big thing nga makatabang siya kanang iyang plano nga motabang og hangyo sa DA nga ang kanang yuta sa may highway (kilid sa Butuanon River). If mahatag sa Siyudad, ang iyang himuon sa maong dapit ang model relocation site.." matod ni Del Mar.