Gungun ipakiha sa Ombud

Human gitaktak sa katungdanan, si suspended Dumanjug Mayor Efren 'Gungun' Gica pakasohan usab sa Office of the Ombudsman sa korte sa isyu gihapon sa giingong gipaburot nga resibo o bayranan sa kan-anan niadtong 2014.

Ang mayor mokwestyon sa desisyon sa Ombudsman sa Court of Appeals sa kasong administratiba batok niya ug Korte Suprema alang sa iyang kasong kriminal tungod sa kakuwang og basehanan.

Iyang gihulagway ang gibuhat sa Ombudsman nga grave abuse of discretion “amounting to lack or excess of jurisdiction.”

“We emphasize that the Ombudsman did not even bother to evaluate properly our evidence consisting of the four official receipts from four different restaurants and our theory that there was forum shopping...”

tipik sa text message nga gipadala ni Gica sa Superbalita

Cebu kagahapon.

Si Graft Investigation and Prosecution Officer III Portia Pacquiao nakakita og igong basehanan sa pagpasaka og mga

kasong malversation of public funds, tulo ka counts sa falsification of official documents ug kalapasan sa Section 3(e) sa Republic Act 3019 (Anti-Graft and Corrupt Practices Act).

Kini aprobado ni Deputy Ombudsman for the Visayas Paul Elmer Clemente niadtong Septiyembre 5, 2017 ug Ombudsman Conchita Carpio Morales niadtong Oktubre 12, 2017.

Ang mga kaso nagsugod sa gipasaka nga reklamo ni kanhi Dumanjug Mayor Nelson Garcia nga nipasangil ni Gica nga nibulsa sa P10,000.

Sa iyang reklamo, si Garcia nipasangil ni Gica nga niusab sa resibo sa bayranan sa Ding Qua Qua gikan sa P11,435 gihimo og P21,435 ug gikwestyon usab niini ang mga klase sa pagkaon nga gi- order.

By using the amount of P10,000 representing the difference in the amount claimed as dinner expense and the actual amount paid to Ding Qua Qua, respondent caused undue injury to the government in said amount." tipik sa desisyon ni Portia