MAG-UUMA, MANANAGAT TABANGAN
Tabangan sa usa ka nongovernment organization (NGO) ang mga mag-uuma ug mananagat sa dakbayan sa Sugbo ug kasikbit nga mga lalawigan sa Central
Visayas.
Kagahapon, gitapok sa Liga ng mga Mag-uumang Probinsyano (LMP) ang 120 ka mga chapter president sa mga mag-uuma ug mananagat sa rehiyon 7 aron ipasabot kanila ang papel nga gihuptan sa LMP ug ang ilang mga programa. Si Catherine Canoy, secretary general sa LMP, nagkanayon nga ila nang nakita ang nanag-unang mga problema sa mga mag-uuma ug mananagat nga karon ila nang gipangitaan og paagi aron mahatagan og alibyo ang giatubang nga kalisdanan sa panginabuhi.
Matod niya nga problema karon sa mag-uuma mao ang abuno sanglit nag-anam og kamahal ang presyo ug ang dakong hagit usab sa ordinaryong mga mananagat mao ang ilang kompetensya nga dagko nga mga fishing boat.
Si Benjamin Santos, chairman sa LMP, nibutyag nga ang ilang organisasyon wala nag- limit ngadto sa mga mag-uuma o mananagat kon dili apil kadtong mga tawo nga nanginabuhi pinaagi sa pagbugwal sa yuta.
Nakita usab ni Santos nga gawas sa abuno, nalupig ang mga sakayan sa dagkong fishing vessel, ang problema sa health care maoy nagpasulabi ug ang edukasyon.
Tinguha sa LMP nga mahatagan og health care ang mga mag-uuma ug mananagat ug mahatagan og libreng edukasyon pinaagi sa ilang
scholarship bisan usa lang sa ilang mga anak nga labing utokan.
Mahimong makontak ang LMP pinaagi sa 0995-3293167 alang sa pagpangayo og dugang detalye diin sa ilang
assembly ang mga chapter president gihatagan og libreng cellphone.