Kinsay mastermind sa pagtipi ni Imok?

Nasikop sa kapulisan ang suspek sa pagbanhig ug pagpatay ni Barangay Captain Felicisimo “Imok” Rupinta sa Ermita, syudad sa Sugbo sa wa pay 24 oras sukad sa maong hitabo sa Barangay Tayud, lungsod sa Liloan.

Ang suspek, giila nga si Jimmy Largo, 41, nasikop sa mga sakop sa Police Regional Office (PRO7) sa pasado sa alas otso sa gabii sa Carbon Public Market.

Si Chief Supt. Jose Mario Espino, hepe sa PRO7, niingon nga si Largo mao ang giila nga gunman sa pagpatay ni Imok Rupinta sa mga alas 8:30 sa gabii niadtong miaging Huwebes. Kinsa man ang nakatumbok ni Largo nga maoy mamumuno ni Rupinta? Si Rupinta may kuyog atol sa pagbanhig kaniya. Wa syay tatsa sa maong hitabo.

Siya mao si Jocelyn Mendoza, ang common law wife o kapuyo ni Rupinta. Siya maoy niila kang Largo nga maoy nipusil ug nipatay sa barangay kapitan.

Apan upat ka mga armadong tawo ang nibanhig kang Rupinta. Busa gipangita pa sa kapulisan ang laing tulo, lakip na sa mastermind sa maong pagbanhig.

Si General Espino niingon nga 90 percent solved na ang kaso sa pagpatay ni Rupinta.

“This only shows that PRO7 is really on the top of solving this kind of case. Particularly because it involves government of�icials. We will not leave any stone unturned,” matod pa ni Espino.

Matod pa niya gi- hire si Largocsa pagpatay kang Rupinta ug nasayod na sila kon unsa ang motibo nga nagpaluyo sa pagpatay kaniya.

Wa mohatag si Espino og detalye apan niingon siya nga ang pagpatay kang Rupinta may kalambigitan sa iyang trabaho isip barangay kapitan.

Tingali mabutyag ang tanan kon masikop na ang u tok sa pagpatay ni Rupinta.

Kon si Largo usa ra ka hired gun man, kinahanglan nga tubagon ang panguta kon si kinsa ang nag- hire kaniya nga kontra sa kapitan.