Motusik pa

Dear Papa Joe,

Ako diay si Nenita, 59 anyos ug ang akong bana 64 anyos. Siguro magkatawa mo aning akong suliran kay talagsaon ra ni sa edad namo nga mopadangat og problema.

Akong mga anak professional na ug puros na mga minyo. Pero belib ko sa akong bana kay bisan sa iyang edad molahutay ug modalikyat gyud siya sa pakigdulog nako. Siguro nakasabot na mo sa akong pasabot.

Ang akong problema kay makuyawan tawon ko sa akong bana kay kon padong na mobuto ang bulkan kay moundang man og ginhanwa. Kuyawan ko madayunan pero masuko man sad siya balibaran. Kahibawo na baya mo sa tiguwang, hilas para sa uban pero akong bana di gyud siya mounding. Kon sa manok pa motusik pa.

Mao ni akong suliran karon. Basin ug mao unya ni hinungdan noon na mabiyaan ko niya ug maadto na hinuon siya sa tinud anay nga langit. Mao ni suliran nako karon. NENITA Nenita,

Wow! Bitaw, Mam, ang akong ikasulti nimo nga respitar ko ug belib sad ko ninyo. Mao siguro nay sekreto sa inyong relasyon nga nagdugay.

Ang maayo siguro nga mopakunsulta mo og doctor kay basin tinuod og madihado siya sa iyang kalaki. Pero basin og iya sad gyud nang pagkatawo nga mahiligon ana. Di sad ta ganahan maka insulto niya sa iyang kapasidad pero mas mayo gyud nang maniguro kay kon magka edad magkadako na hinuon ang hunahuna.

Ingna lang sad siya nga kalma kalma lang ug di magpadala sa pagbati kay matod pa sa uban simbako lang ha? Mamatay ibabaw sa kamay. Daghang salamat. PAPA JOE