Sometimes I look at you

Shocking gyud ang akong nasaksihan. Kinsay di matarantar? Si Clark nagpaikid-ikid ug nagpahiyud-hiyod sa iyang lawas samtang nakigbeso-beso sa lalaki nga miduol namo.

“Ay, sus, Clark. mora gyud kag tinuod nga laki. May kaubang guwapa ug seksing girl.”

Ang kinataw-an sa lalaki nga miduol namo ni Clark way kalainan sa babaye. Gay siya. Ug si Clark, sus, wa na motago sa tinuod niyang pagka tawo.

“Siya bitaw unta ang kuhaon nakong model. Pero wa mosugot, uy.”

Unya nag-aper na sab sila si Clark ug ang lalaki. Sa paminaw ko sa akong nawong, wa mawala ang pagpamuwa ani. Bayot si Clark? Samtang nalingaw sila si Clark ug ang lalaki sa pag-estorya, dali kong mibiya nila. Wa na ko mananghid kang Clark, uy. Sus, kakataw-unon gyud ko. Apan morag kahilakon sab ko. Unsaon, wrong guy ang lalaki nga akong gimahal.

Puwerteng bahakhak sa pagkatawa ni Carol dihang gisuginlan ko siya sa tanan pagka ugma.

Namuwa ang iyang nawong sa pagkinatawa.

Nahapak ko siya sa bukton ug nahikatawa na lang sab ko.

“May gani wa ka mahinayak niya, Mona. Na, makonsumisyon gyud ka. Ang imong boyfriend usa ka bayot? Ha! Ha! Ha!”

Nanan-aw namo ang kauban namong mga estudyante. Nagesnak mi si Carol niadtong tungora sa school canteen.

“Kawa’a gyud nako magdahom, uy, Carol. Macho kaayo siyag hitsura. Pero bayot man diay ang kanahan. Kaanugon sa iyang kaguwapo.”

“Mao na. Patuyang man lang gud og pitik nang imong kasingkasing ngadto sa laki. Tan-awa, gisakitan ka lang.” Miseryuso ko. “Bitaw, uy, Carol. Sakit baya ning nahitabo sa akong lovelife. Nahigugma ko sa usa ka bayot.” Nakapanglingu-lingo ko. “Aw, wa kay suwerte kang Clark. But sure ko nga naa gyuy laki nga para nimo.” Wa na lang ko magtingog. “Suwerte-suwerte lang gyud ning gugma, Mona.”

Nanglabay ang mga adlaw. Dali ra kong naka- move on. Dali ko rang nakalimtan si Clark. Ug usa ka hapon nga gikan mi si Carol sa eskol, wa dayon mi mopauli dayon. Nag-window shopping mi sa duol nga Mall.

Unya usa ka lalaki, guwapo, macho ug husto sa height ang akong nakita. Nakatan-aw kog dugay niya.

“Hoy! Mona! Ayaw pada’a anang imong gibati!”

Gibitad ko ni Carol ug nagkinataw-anay mi. (KATAPUSAN)