PRAKTIS SA PAGKA MAYOR
Dili lalim nga mamahimong usa ka gamay nga lider sa dakung siyudad, apan may kalagmitan kini.
Napakita sa Grade 10 nga tinun-an nga si Matthew Jose Hernaez Estenzo nga hagit kini nga malabwan ra sa dihang misalmot siya sa tinuig nga Student Leader’s Summit isip kasamtangang pangulo sa Sangguniang Sentral ng mga Mag-aaral (SSM).
Mitumaw siya sa maong panagtigom nga may halangdong titulo: Little City Mayor sa Supreme Student Government (SSG) Federation.
Mibarug alang sa University of San Carlos (USC) - North Campus (USC-NC), miuban si Estenzo sa ubang 123 nga mga pangulo sa SSG/SSC nga nagabot sa Crown Regency Residences sa Dakbayan sa Sugbo alang sa summit.
Nagagikan ang mga nangapil sa nagkalainlaing mga institusyon: duol ug layo, pangpubliko ug pribado, junior ug senior nga mga hayskul, apan silang tanan nagbaton sa kaandam nga moalagad sa uban.
Nagpakita kini nga ang kahimtang ug kasinatian wala magtino sa pagpangulo, ug nga ang mga mangulo makita sa bisan asa, bisan sa kabatan-onan.
KATUGBANG
Pagkahuman sa summit, mi- pili ang mga lider nga estudyante gikan sa ilang mga kaugalingon kung kinsa molingkod isip mga katugbang sa mga opisyales sa siyudad ug pipila ka mga departamento ug mga nagduma sa opisina, ug misinati kung unsa ang gimbuhaton sa mga lider sa kagamhanan.
Mihatag kini nila og maayong pamaagi aron maangkon ang mas lalom nga pagsabot sa mga proseso ug mga patakarang gitamod sa mga pampublikong nangalagad, ingon nga ilang pagpili kang Estenzo isip Little City Mayor sa Cebu City Government sulod sa lima ka adlaw.
Isip kabahin sa “Know Your City Government Program” sa Cebu City Youth Office, milingkod si Estenzo isip hepe ehekutibo nga mipuli gyud sa lingkuranan ni Mayor Tomas R. Osmeña sa Dakbayan sa Sugbo.
KONSEHAL MITAHO
Mitaho si Konsehal Dave Tumulak kaniya isip mahulagwayong mayor sa iyang pagpaila sa puga ngadto sa media, usa ka talagsaong kasinatian isip Little City Mayor.
“Gibati nako nga gipasidunggan samtang anaa sa puwesto sa atong pinalanggang si Mayor Tomas Osmeña ug nakita nako kung unsa ang pagkahimong amahan sa usa ka siyudad. Gibati nako ang dako nga kaakohan sa usa ka mayor ug giunsa niya kini pagdumala matag adlaw,” siya miingon.
GOBERNADOR
Daw sama si Estenzo sa usa ka maswerteng lalaki. Apan dili sayon o’ kinalit niyang naangkon kining naabtan niyang kalampusan. Susama sa uban, misugod siya sa kinailagman, inanay ug kanunay nga naninguha nga mouswag.
Nagsugod siya nga SSM board member gikan sa grade 1 hangtud grade 4, bise gobernador sa Grade School (GS), dayon gobernador sa GS, Grade 7 governor, oditor, ug karong ang Little City Mayor ug pangulo sa SSM president alang sa 20172018 nga tuig tigtungha.
Sakop siya sa Barangay Guadalupe Task Force on Youth Development, ug siya sab nahimong General High School Focal Person sa Cebu City Local Youth Development Council.
Nadawat sab niya ang gibantog nga St. Joseph Freinademetz Leadership award.
Sa iyang pagkapili ug pagpangalagad isip Little City Mayor, mitumaw si Estenzo isip usa ka ehemplo nga makagagahum alang sa ubang mga Carolinians ug mga nangulong tinun-an. /