TIPS KON MAMALIT OG REGALO KARONG PASKO
Petsa 27 karong adlawa ug 27 ka adlaw nalang og saulogon na ang pasko. Alang sa mga Katoliko, usa kini sa labing dako nga selebrasyon matag tuig tungod kay mao kini ang simbolo sa adlaw sa pagkabanhaw ni Hesukristo.
Kon daghan kag kinugos o hilig lang gyud ka nga manghatag og regalo, ania ang tips nga angay nimo.
1. Sutaa pila imong budget.
Usa sa labing importante sa dili pa mamalit mao ang pag- budget.
Kon wala pa ka’y natigom, maayo nga kuhaan nimo imong mga bonus og 20-50%, tagsa ra bitaw.
Kon makadesisyon na ka sa imong budget...
2. Planoha kon kinsa imong hatagan.
Importante nga naa ka’y lista sa mga hatagan nimo aron di ka makalimot kon kinsa ang angay ug ang dili kaayo angay.
Iapil og lista kon unsa nga regalo ang angay ana niya.
3. Palit og usa o duha ka extra nga regalo.
Kay basin og bisag naglista pa ka, naa kay makalimtan nga ang anak ni kumare kay kinugos diay nimo.
Palit og generic nga regalo, kanang magamit sa tanan. Mug ba kaha, o sanina. O kwarta nalang kaha?
4. Dasiga ang uban sa exchange gift.
Di man siguro tanan apan kasagaran sa office o kaha sa inyong mga silingan, aduna’y exchange gift o manito/manita.
Maayo ning panahon nga ipakita ang pagkamanggihatagon.
5. Hatag og regalo sa nanginahanglan pag-ayo.
Ang pasko mao ang okasyon ug selebrasyon nga mohatag ka sa tawo nga nanginahanglan gyud.
Dili importante kon unsa kini kadako o kagamay, kamahal o kabarato. Ang importante nakahatag ka. Mamahimo nga mag- outreach ka o pakaon sa mga bata nga anaa magpuyo kilid sa dalan. / thebalance.com