Nursing kampyon sa 5th PVL Cup

Nasakmit pagbalik sa Nursing ang titulo human sila makaipsot batok sa defending champion Rehab Science, 69-66 sa usa ka kulbahinam ug medyo pisikal nga

knockout finals sa 5th PVL Cup-Cebu Doctors Alumni

basketball tournament niadtong Biyernes didto sa CDU Shed sa North Reaclamation

Area, dakbayan sa Mandaue.

Sa sayo pa, naangkon sa kanhi kampyon College of Allied Medical Sciences (CAMS) ang ikatulong pwesto human ilang gipukan ang CAS Opto-Pharma, 87-74.

Ang Nursing kinsa mas balanse ang opensa kon itandi sa Rehab, gipangulohan sa ilang

muscleman nga si JC Espada pinaagi sa iyang 16 puntos samtang mitampo og 14 puntos si Antonio Carlos Datan.

Nakatabang sab ang duha ka three-pointers ni Joirene Salcedo ug ang siyete puntos ni Jepong Garcia kinsa wala makatiwas og duwa tungod sa piang sa iyang tuong tikod sa third quarter. Unang duwa: (3rd place)

CAMS (87) - Amistad 29, Solatre 28, Malingin 21, Obedoza 7, Alcos 2. CAS Opto-Pharma

(74) - Rodriguez 20, Ygay 14, Belamia 14, Monterroyo 14, Dela Cruz 12. Ikaduhang duwa: Nursing

(69) - Espada 16, Datan 14, Bacalan 7, Garcia 7, Ponsica 7, Salcedo 6, Ayuban 4, Dabon 3, Consunji 2, Potot 1. Rehad (66) - Paspie 20, Bollozos 15, Chan 12, Flores 6, Ecarma 5, Tariman 5, Casenas 2, Quinanola 2. / PR