Si ‘John Doe’ mastermind?

Sa dihang gipresentar sa mga kadagkuan sa kapulisan si Jimmy Largo, usa sa upat ka mga

suspects sa pagpatay kang Ermita Bgy. Captain Felicisimo ‘Imok’ Rupinta niadtong Sabado, mipasi-atab ang kapulisan nga sulbad na nila ang kaso. Kini gumikan kay nadakpan na nila ang usa sa mga suspetsado ug na-ilhan na nila ang mastermind.

Gipasakan na sa kapulisan si Largo ug kasong murder ug

frustrated murder ug ingon

man illegal possession of firearms, explosive ug paghupot ug illegal nga drugas. Gisiguro gyud sa kapulisan nga dili maka-piyansa si Largo. Ang murder ug paghupot nga explosive mga non-bailable offenses kini. Si Largo nanghimakak sa mga akusasyon batok kaniya. Karon, kon na-ilhan na sa kapulisan ang mastermind, nganong wala may lain tawo o personalidad nga gi-apil ug kiha sa kapulisan? Kanang ilang ibutang sa

charge sheet nga ‘ John Does’ dili na tawo. Morag fill-in the

blank lang na. Kon aduna silay madakpan sa umaabot nga mga adlaw, anha ra nila ipuno ang tinud-anay nga pangalan sa ilang complaint ngadto sa piskaliya o sa korte.

Gibutyag ni Jocelyn Mendoza, ang partner ni Imok, nga si kanhi Market Administrator Winfredo Miro ug ang iyang associate nga usa ka Cheche Sipalay Gomez nga maoy presidente karon sa United Vendors Association ug si Largo maoy gikatahong nagkontsabo sa pagpatay kang Imok. Kini ba kaha usab si Miro maoy gipasumbingay ni Largo nga maoy unang nag- hire kaniya aron ipapatay si Imok?

Gibutyag ni Largo ngadto sa mga tigbalita nga adunay pulitiko sa barangay Ermita nga nga mi- hire unta niya aron likidahon ni Imok. Bayaran unta siya ug P150 mil. Apan wala kini niya dawata kay dili sila makahimo pagpatay kang Imok kay suod sila nga higala ug daghan kini ug natabanag kaniya.

Apan ang asawa sa maong pulitiko nanawag niya nga dili na mahinayon ang maong deal kay nakakuha na og nakakontrata na sila og laing grupo aron maoy mohimo sa maong tahas. Mas maayo gyud nga palawuman pa sa kapulisan ang ilang imbestigasyon ug dili magdali-dali.