Nahimong maestro

Dear Noy Kulas,

Hello. Just call me Mea, college student sa usa sa mga schools dinhi sa Cebu. Well, my problem is a bet complicated although it is still about lovelife.

Ingon ani ang story, Noy Kulas. Duna koy suitor sa Facebook nga akong gibasted kay sa akong tan-aw, playboy apan deny to death siya bisan unsaon nako og sungog niya. Ako lang ning gibase sa comments sa iyang mga post. Gwapo man gud siya ug bright pa. Ma- impress gyud niya ang babaye bisan unsaon mao na insecure ko niya bisan ganahan ko.

Ang wa nako gi expect, ako siyang nahimong maestro karong semester kay nakasud siya sa among school. Way nakahibawo nga kini siya nakapanguyab nako. Civil ra mi sa school, especially sa classroom. Nagtuo ko nga di na siya magsamok nako, pero nibalik na pud ug mas grabe pa siya sa pagpanguyab nako.

In fairness, di siya bastos nga pagkatawo kay wa siya maghisgot nga iya kong estudyante pero migrabe siya sa iyang paghangyo nako. Gusto siyang sugton na nako siya kay tinarong lagi kuno ang iyaha diri sa akoa. Kapila ko na siya gibasted pero di gihapon mohunong.

Unsa may akong buhaton, Noy, aron mohunong na ni siya? Bisan ganahan ko niya pero nahadlok ko nga mahurt niya kon biyaan ko kay makakita og lain kay naa niya ang tanang gipangita sa mga babaye. Tagsa ra ang gwapo ug bright sama niya mao ma- insecure nga maghuna-huna parte niya.

Unsa ang imong ikatambag nako, Noy Kulas? MEA Mea,

Kining imong problema, nahinumdom ko sa usa nako ka higala nga nahigugma og maayo sa usa ka babaye. Iyang gipanguyaban pero wa siya sugta for the same reason. Pwerte intawong guola sa akong higala kay nahigugma siyang tinuoray sa babaye. Nangita na lang siyag lain.

Akong pasabot mao nga you don’t judge people how they look and what others perceive him to be. Ilaha-ilaha unag maayo aron mas makaila ka ug anha ka na diha mo- conclude kon unsa siya. Pero kay maestro man na siya nimo karon, ingna siya nga human na lang sa semester mo mag-estorya tungod sa inyong teacher-student relationship. Ingna lang ana pagpasabot in the mean time. Karon, mas maayong friends lang una mo kay di pa siya madaut.

Kon naa nay higayon, ilha siya, ayaw ibase sa unsay sulti sa uban.