CEBU MARATHON ‘18 NAG-USAB OG ROTA
Gamiton alang sa 11th Cebu City Marathon ang kadalanan sa siyudad sa Sugbo aron makompleto ang 42 ka mga kilometro nga gilay-on sa lumba human nipagawas og desisyon ang gobiyerno sa dakbayan nga dili na ipagamit ang South Road Properties (SRP) alang sa running events. “We will be running around
the areas of Cebu City,” matod ni Cebu Executive Runners Club (CERC) president Kenneth Casquejo sa press conference kagahapon sa Cebu Grand Hotel.
Sa sayo pa, gianunsyo sa mga nag-organisar nga ang lumba, nga ipahigayon karong Enero 14 sa sunod tuig, mosubay pagbalik sa SRP apan nausab ang tanan human mipagawas ang dakbayan og executive order gidili na ang running event sa SRP aron makalikay sa huot nga trapiko.
Nagkanayon ang usa sa mga nag-organisar nga nakasabot sila sa desisyon sa siyudad hilabi na nga aduna'y nagpadayon nga konstraksyon dalan N. Bacalso ug kadaghanan sa mga sakyanan moagi sa SRP.
Gisugdan na paghan-ay sa mga nag-organisar ang bagong rota sa lumba, nga manukad ug mahuman sa Cebu Business Park.
Matod ni Juarez nga ilang gitun-an ang pagsubay sa Talamban paingon sa Labangon.
“We’re planing to make a looping out and back course. The runners will still be passing the historical landmarks of Cebu like Plaza Independencia, Sto. Niño Church, Fort San Pedro,” asoy ni Casquejo.
“The significance of the Cebu City Marathon is not only to promote the tourism of Cebu but also share to them ( foreign runners) the cultural heritage of Cebu especially the Sinulog Festival and the relevance of it to the
Cebuanos,” matod ni Casquejo. Sa laing bahin, kapin na sa 3,000 ka runners ang nakaparehistro sa lumba.
Ang 42K category adunay 1,500 registrants samtang ang 21K adunay 1,600. Aduna sa'y 10K ug 5K.
Magpadayon ang rehistrasyon hangtod karong Diyembre 17. Nagkantidad ang rehistrasyon og P1,800 sa 42K, P1,400 sa 21K, P950 sa 10K ug P750 sa 5K.