‘MING-ULBO ANG KASPA’
LeBron na-ejected sa labing unang higayon
SA labing unang higayon sa iyang mabulokong basketball career, na- ejected si LeBron “King” James apan nakamaneho gihapon ang host Cleveland Cavaliers sa pagpabugnaw sa Miami Heat, 108-97, kagahapon sa National Basketball Association (NBA).
Naglabaw og 23 puntos ang Cavaliers dihang milusot si James unya gikabangga niini sila si James Johnson ug Dion Waiters. Dihang wala’y gitawag nga
foul, nakasiyagit si James ngadto kang referee Kane Fitzgerald, kinsa dihadiha dayon mitawag og technical
foul ug misinyas nga pagawson sa korte ang four-time MVP. Nahitabo kini sa nahabiling 1:59 sa 3rd quarter.
Labing una kining nasinati ni James sulod sa 1,082 ka mga duwa nga nakapakita siya og aksyon sa NBA.
Gipasabot ni James nga labing una kining nahitabo kaniya sukad nagduwa siya og basketball sa Akron.
“On that particular play I got fouled all the way up the court, from the time that I stripped him
( Johnson) all the way until I got to the rim, and so that’s what it’s about,” pasabot ni James.
“I said what I had to say and I moved on, but he (Fitzgerald) thought that I should get two of them, so it is ... we got the win and that’s most important.”
Taodtaod na sab nga nagsige og reklamo si James sa mga referee nga dili motawag og foul sa matag higayon nga alang kaniya angayan unta nga tawagan ug gipasabot niya nga mao kini ang hinungdan nga miulbo ang iyang kaspa.
“I’m one of the league leaders in points in the paint,” matod
ni James. “I drive just as much as anybody. At this point, it’s almost like they’re trying to turn me into a jump shooter. I can’t be a jump shooter. I’m not a jump shooter. I watch games every single night and I see jump shooters going to the line multiple, double-digit times every night.”
Wala na man tuod si James apan ang 23 puntos nga pagkalubong lisod na alang sa Heat nga paphaon.
Ang Cavaliers, nga ningposte sa ilang ikasiyam nga sunodsunod nga kadaugan, ming- saka sa 14-7 samtang ang Heat nahugno sa 10-10 nga rekord.
Gipangulohan ni Kevin Love ang Cavaliers pinaagi sa iyang 38 puntos diin 32 niini iyang gimugna sa 1st half, nidugang og 21 puntos si James una kini mibiya sa korte samtang nitampo og 17 puntos si Dwynae
Wade.
Nagkanayon si Wade nga sa pagbiya ni James, mas gipahugtan nila ang ilang duwa aron protektahan ang ilang labaw.
“Felt that I needed to do something to help this team keep our lead,” matod ni Wade.
“Just got in an aggressive mindset, got a couple shots to fall and had a nice assist to Kyle for a long three-ball.”
Ang Heat gipangulohan ni Waiters pinaagi sa iyang 21 puntos samtang nitunol og 19 puntos si Bam Adebayo.
Sa laing mga duwa, ningdaog ang Washington Wizards batok sa host Minnesota Timberwolves, 92-89, Milwaukee Bucks batok sa host Sacramento Kings, 112-87, host Utah Jazz batok sa Denver Nuggets, 106-77, ug Phoenix Suns batok host Chicago Bulls, 104-99.