LARGO NAKITA SA CCTV
NAA SA DAPIT DUOL SA GIPATYAN NI IMOK
Nakuha sa close circuit television (CCTV) camera si Jimmy Largo sa usa ka convenience store mga pipila ka gatos ka metros ang gilay-on sa dapit diin gibanhigan patay si Ermita Barangay Kapitan Felicisimo “Imok” Rupinta niadtong Nobiyembre 23 sa gabii sa Barangay Tayud, lungsod sa Liloan, Cebu.
Gipakita ni Supt. Reynaldo Magdaluyo ang CCTV camera
footage sa 7 Eleven convenience store sa Barangay Tayud niadtong gabii sa dihang gi ambush patay si Rupinta. GAATANG?
Alas 7:56 makita ang pag abot ni Largo nga nisulod sa 7 Eleven ug nipalit og ice cream samtang dunay gipaabot nga iyang kauban nga ilang gituohan nga usa sa mga gun man.
Nag sul-ob og kawo si Largo samtang ang iyang dughan dunay gisab-it nga antipara nga nakuha usab ni sa mga sakop sa Regional Special Operations Group atol sa gihimong manhunt operation kaniya. Duna pa siyay nasugatan nga kaila nga duna usay gipalit sa tindahan ug pipila ka gutlo ang nakalabay, nigawas ni sa tindahan ug daw sa dunay gipaabot.
Positibo usab ning giila sa tulo ka mga saksi nga ang naa sa video sa CCTV camera mao si Largo.
Pagka alas 8:29, makita sa video nga niagi ang Isuzu D-Max ni Rupinta nga dunay nag-una nga duha ka mga motorsiklo nga gituohan nga apil sa krimen.
Nisunod usab dayon silang Largo ug ang kauban niini.
Sa dihang pag abot sa eskina, ang duha ka mga motorsiklo nga nag-una sa sakyanan sa kapitan niliko sa tuo samtang silang Largo mi overtake sa sakyanan ug sa dihang natungdan na gipaarakan na kini sa armas.
Human sa pagpamusil, nilili pa si Largo aron pagsiguro nga patay ang ilang target ug misinggit pa kini nga kompirmadong patay na ang kapitan.
“Isa lang ang ibig sabihin dyan, nandyan siya sa malapit sa crime scene sa pinag ambusan early on dumating siya dyan because he is receiving information sa mga spotter. So, nag pre-position siya early pa. So, Jimmy Largo is not a fall guy,” matod ni Magdaluyo.
Gipasabot ni Magdaluyo nga ang kuha sa CCTV mitugma sa pamahayag ni Jocilyn Mendoza nga nagkawo lang si Largo ug wala mag helmet.
NANIID
Apan nianang adlawan pa mga pasado alas 2 sa hapon, nakit-an na sa tulo ka mga saksi si Largo kauban si alyas Jordan nga nagduwa og bingo sa atbang sa barangay hall.
Pasado alas 6 sa gabii sa dihang nikanaog si Rupinta uban ni Jocilyn ug nisakay sa sakyanan.
Dali usab nga miangkas sa ilang tagsa-tagsa ka mga motor silang Largo ug alyas Jordan ug nananghid pa nga ibilin lang ang ilang pundo nga kwarta sa bingo kay ila lang kining balikon.
Ang facial composite ni Jordan gipakita sa media nga gihulagway ni Magdaluyo nga hired
killer sa Barangay Ermita. Tungod niining maong kalamboan gipanghimakak ni Magdaluyo ang pangangkon ni Largo nga dili siya ang nagpatay sa kapitan ug fall guy lamang siya.
Nihatag na usab og pamahayag ang igsuon ni kapitan Rupinta nga dili tinuod nga na- uban sila ni Largo nianang gabii nga gipatay ang kapitan.
Lima ngadto sa unom ka mga suspek ang giingong nagtinabangay aron patyon ang kapitan ug wala lang una moluwat og pamahayag ang RSOG7 kon unsay motibo sa pagkakaron.
Si Largo gibalhog na sa Cebu Provincial Detention and Rehabilitation Center (CPDRC). /