DEMOLISYON SA LAPU IPATUMAN

Pipila sa mga nagpuyo daplin sa dagat sa Sityo Sperla, Barangay Poblacion, Lapu-Lapu City ang demolison karong adlawa.

Balay nga unahon sa pagdemolish mao kadtong nagbarog sa dagat ug kadtong struktura nga gipa-abangan sa professional squatters.

Gipahibawo ni Mayor Paz Radaza nga adunay 72 ka mga balay nga nahimutang sa danger zone sa dihang istruktura gitukod sa dagat nga nag-atubang sa Mactan Channel.

Kini human niadtong tulo ka balay nga nalusno sa dihang gihampak sa bawod resulta sa naghaguros nga fastcraft nga mitadlas sa Mactan Channel niadtong buwan sa Oktubre.

Si Radaza sa iyang bahin nipasabot nga na-ungaw sa peligro ang kahimtang sa ubang lumolupyo hinungdan nga buot niyang papahawaon ug mobalhin sa luwas nga dapit.

Dili buot ang mayor nga masubli ang panghitabo sa dihang duha ka mga senior

citizen ang naangol nga nangahulog sa dagat ug gi- rescue sa mga silingan sa dihang balay natumpag sa bawod.

Niadtong Oktubre 27 nipadala ang siyudad og notisya sa mga residente kalabot sa pagpapahawa kanila sa maong dapit.

Unang gi- schedule ang

demolition niadtong Nobiyembre 8 apan mga sakop sa Presidential Commission for the Urban Poor (PCUP) nihangyo nga lugwayan ang

maong petsa hinungdan nga na-uswag karong adlawa.

Apan laing suwat-hangyo sa PCUP ang gipadala niadtong miaging adlaw ngadto sa buhatan sa mayor nga nangayo og laing extension sa maong demolition gumikan sa humanitarian reason. “I would just like to put into

record nga kon unsay mahitabo diha, responsibilidad nan a sa PCUP,” pamahayag ni Radaza hinungdan nga gipili lang una ang gub-on nga kadtong stuktura nga gitukod sa dagat ug kadtong mga gipa-abangan.

Dugang pa sa mayor nga wa magpasagad ang siyudad sanglit hatagan man ang mga apektadong nga structure owner og financial aid ug relief goods. / FVQ