Pulitika sa kamatayon ni Imok
Daghang gidudahan sa pagbanhig-patay kang Ermita, Cebu City Barangay Captain Felicisimo “Imok” Rupinta.
Gani usa ka Jimmy Largo, ang gitumbok nga usa sa nagpusil kang Imok, ang napasakaan na og sumbong murder ug frustrated murder.
Ang kapulisan nagpadayon pa sa pag-imbestigar sa maong pagpatay aron madakpan ang tulo pa ka laing mga mamumuno.
Apan samtang gipangita pa ang mga responsible sa maong krimen ug ang mastermind niini murag gigamit na kini sa pagpamulitika. Naa nay mga gipakatap nga pagduda nga ang kaatbang ni Imok sa pulitika maoy nagpapatay kaniya. Angay lang usab nga hunongon na ang paghimug mga komentaryo kalabut sa personalidad ug motibo sa pagpatay kang Imok.
Kinahanglang atong paabuton ang kapulisan nga matapus sa pag-imbestigar niining maong kaso inay magtisuk og mga pagduda pinaagi sa pamulitika nga mao na hinuoy makalawgaw sa pagtutok sa mga tinugyanan sa balaud aron masulbad kini sa labing daling panahon.
Opisyal nang giundang ni Presidente Rodrigo Duterte ang peace talks tali sa Pilipinas ug sa Communist Party of the Philippines – Nationa Democratic Front of the Philippines - New People’s Army (CPPNDFP
Sa pagka-karon kining pagamit sa atong gobiyerno og
ground forces batok sa mga girilyang pamaagi sa NPA miresulta sa kamatayon sa daghang mga tinugyanan sa balaud.
Kon ang himuon ni Pres. Duterte mao ang pagbomba sa mga kampo sa NPA gamit ang mga abyon igugubat sama sa iyang gigamit batok sa mga teroristang Maute didto sa Marawi City, ako nagtuo nga mapuo kining mga kumonista kon dili sila motahan sa atong gobiyerno.
Kinahanglang hutdon usab pagdakop ang mga opisyal sa NDFP nga gibuhian sa kagamhanan aron makaapil niadtong miaging mga peace talks. Kinahanglan usab nga mapanalipdan sa mga tinugyanan sa balaud ang mga negosyante aron dili sila mapugos paghatag og revolutionary tax ngadto sa mga kumonista. Pasko na usab. Matuman na kaha kining mga lagda ug reglamento sa atong gobiyerno kalabut sa pagpamaligya ug ibaligya nga mga pabuto?
Mahibung nalang kita nganong makalusot kining mga daw bomba ang gikusgon sa pabuto nga sumala pa kanunay man kaha kining gi-inspeksiyon sa atong gobiyerno. Duna na usay daghang ordinansa ang nagkalainlaing local government units (LGU) nga naglatid sa legal nga gidak-on sa pabuto. Dili ikalimud nga daghan gihapon ang mabiktima sa mga wa itugot nga mga firecracker.
Hain man ang problema? Nganong nahimo man sa Davao City ang hugot nga pagpatuman sa firecracker ban apan pakyas ang ubang mga dapit sa pag-regulate lang sa gidak-on sa mahimong pabuthon?