Gusto molarga
Dear Papa Joe,
Good day! Usa ako sa mga nagbasa og Super kada adlaw. Ganahan kaayo ko sa imong advises. You are a good adviser. Tawga lang ko sa ngalan nga Marco. Bag-o lang ko ni- graduate, Papa Joe, last October. Anyway, kining akong problema kay maorag naglibog ko kon unsa gyud ang akong buhaton.
About ni sa internship sa U.S for 12 months.
Actually, Papa Joe, gikan ko nag internship for 3 months sa US gihapon ( before ko ni graduate). Ang akong pangutana, Papa Joe, di ba kaha lisod mokuha og visa balik? Kay pag first nako og apply sa visa, denied ra ba ko. So, nag reconsideration ko after two weeks, salamat sa Ginoo na granted akong visa for J1 visa for three months. Karon, akong pangutana if ever modayon ko sa 12 months nga internship, duna kay mga ideas kon unsay mga possible questions sa consul ana? For sure mangutana man gyud na ang consul nga “why do you want to go back to the United States?” Unsa may best answer nako ana, Papa Joe?
Okay ba makalarga, Papa Joe, nga ni- graduate ko unya walay trabaho diri sa Pilipinas? What if ang consul mangutana nga “why do you like to work abroad instead working here in the Philippines?”. Unsay possible answer nako ana? Daghan ra ba sab ko nahibaw-an nga niapil ani nga program kay na denied tungod lagi gikan sa US last year. Hinaot unta mahatagan ko nimo og advise. Until now, naglibog ko kon unsa ang akong buhaton, kon modayon ko or di. Hoping for your reply. Thanks. God bless. MARCO Marco,
Frankly speaking, I don’t have much knowledge about internship abroad. Lisod man sab nang magpaka wais ta, kay bisan makahibawo ta ana, anha ta daugon sa interviewer sa embassy, kon pasado ba nila or di.
Now if you are able to go there before unya ni comply ka sa tanang requirements ug patakaran, there’s no way nga di nimo makaya sunod. Ang pagtubag sa mga interview kay para nako di na magbase sa mga buwak sa imong tubag but ang tinud-anay nimong tuyo. Mao gyud nay makita sa mga mo- interview and they are trained to conduct that interview kay mao nay ilang work.
Naay sugilaon sa usa ka college grad. Ni apply siya pero denied but ang sunod niya, tiguwang, way grado, nihangyo sa college grad nga magpa- translate, mao hinuoy nakapasar kay gusto moadto sa iyang anak ug mo work. Why? Gipangutana siya sa taga embassy, why you wan’na go to US? You don’t even know how to speak English. So, iyang gi pa translate sa college grad mao ni iyang tubag in English” why are you here in the Philippines and work, you don’t even know how to speak tagalog?” Tatak dayon (passed). Kanan lang ang basihi. Salamat. PAPA JOE