The love of my life

Nakatan-aw kog dugay kang Rommel. Naglisod kog tubag sa iyang gipangutana nako. Nakapangawot na lang ko sa akong ulo.

“Duna man guy mga panghitabo sa atong lovelife, Digna, nga sa atong pagtuo mao na lang gyud na. I mean, kanang

forever love may dakong kalainan sa destiny. Wa man koy question anang imong giingon nga sa imong pagbati ron kang Ronron giisip mo nang forever na ang imong gugma niya. Pero lain man nang destiny. Only time can tell kon kamo ba gyud.” “Well, may rason ka sab ana, Rom. But sa pagka karon, nag-isip sab ko nga si Ronron maoy akong destiny.” Nakatingog ra gyud ko.

Tinuod man sab nuon ang giingon ni Rommel nga dunay kalainan ang forever love ug ang destiny.

“Karon, nasuta ko na gyud ang kadako sa imong pagmahal kang Ronron, Digna.”

Niadtong tungora, mihunong na ang uwan. “Tana, Rom. Mamauli na ta.” Gusto ko nga mahunong na ang imong pag-estorya ni Rommel.

Way tingug-tingog si Rommel samtang nagsakay mig dyip padulong sa among gipuy-an sa Mango venue. Guol ang iyang nawong. Tingali, iyang naklaro nga si Ronron ra gyud ang bugtong lalaki nga akong gimahal. Nagtupad mig lingkod si Rommel. Gisiko ko siyag hinay.

“Guwapa si Rona, Rom. Ayaw usiki ang panahon. Sa tan-aw ko niya, nakagusto siya nimo.”

Managkaila mi si Rona kay kausa nga nagkakuyog sila si Rommel, ug gikasugat ko sila sa sulod sa school campus, gipaila mi ni Rommel sa usag usa. Sukad niadto kanunay ko na silang nakita nga magkuyog ug mag-estoryahay labi na gyud sa school canteen.

Igo lang kong gipahiyoman ni Rommel.

“Tell me the real score ninyong duha ni Rona, Rom?”

“As I’ve said, friend lang mi si Rona.”

“Wa diay ka mangulitawo niya?”

“Wa, Digna. Gilingaw ko lang ang akong kaugalingon sa pagpakig- friend niya. Di ka kahulipan diri.”

Gitudlo ni Rommel ang wa niyang dughan, sa dapit sa iyang kasingkasing.

“C’mon, Rom. Nagkaestoya na ta ganina. Gipasabot na tika kon unsa kadako ang love ko kang Ronron. Tagaig panahon ang imong kaugalingon nga mahigugmag laing girl.”

Wa na magtingog si Rommel hangtod nga nanganaog mi sa gisakyan namong dyip.

(SUMPAYAN)