Alab Pilipinas giusba'g pildi

Bisan pa man sa ilang tugkaran, nasugamak na usab og laing kapildihan ang Tanduay Alab Pilipinas sa bag-ong gisugdan nga 2017 ASEAN Basketball League.

Ning higayona, sa mga kamot na usab sa bisiang Singapore Slingers, 97-83, niadtong Miyerkules sa gabii sa Sta. Rosa City, Laguna. Kon kahinumdoman, sa ilang

opening game niadtong Nobiyembre 19, ang Alab napildi usab sa Hong Kong, 93-89, ubos sa bayanihong lihok sa Fil-Am nga si Christian Standhardinger.

Batok sa Singapore, ang Alab Pilipinas nga perming gibiyaan og kapin diyes puntos. Dihay higayon nga mosuway kini pagpaduol apan daw sa lupigon kini sa lahutay.

Ang kanhi import sa TNT nga si Ivan Johnson, ang maayong pagkatagak sa sawog atol sa linayatay batok sa import sa Singapore nga si Xavier Alexander.

Nakabangon man tuod si Johnson apan maklaro nga may gipamati kini nga kasakit hinungdan nga gipalingkod kini.

Gawas kang Xavier Alexander, maayo usab nga nakasuporta ang mga locals sa Singapore sa scoring. Ang duha ka triples ni Oping Sumalinog ug Bobby Ray Parks Jr. maoy nagpahak sa labaw sa Singapore ngadto sa single digit. Apan ang Filipino-Canadian nga heritage

import nga si AJ Mandani, mitubag usab og duha ka sunodsunod nga triples aron inaton og balik ang ilang bintaha.

Gikan niadto wala na makabangon pa ang ang Alab.