Luigi uyon ibalik sa PNP ang kampanya

Gitataw ni Mandaue City Mayor Luigi Quisumbing nga mas maayong ibalik sa Philippine National Police (PNP) sa labing daling panahon ang operasyon batok drugas.

Matod ni Quisumbing nga bisan maayo ang nabuhat sa Philippine Drug Enforcement Agency (PDEA) kalabot sa drugas human kini gitahasan sa paghimo sa mga operasyon batok drugas apan kuwang gihapon kini sa mga kawani.

“As soon as possible please. The PDEA does a good job. Don’t get me wrong. Quite frankly there’s only 30 for them for the entire region 7, that’s not even one of my police stations,” ni Quisumbing sa dihang nahinabi sa mga tigbalita.

Gitataw sa mayor nga kon basehan ang gidaghanon ang mga PDEA agents, lisod isustiner ang mga operasyon niini.

“For 30 agents for the entire region 7 that’s not a joke. The police are justice good, justice dedicated and there’s a lot more of them. I appreciate the effort of PDEA they’re doing a spectacular job but there’s not enough of them,” dugang pa sa mayor. Paambit niini nga maglisod ang mga taga PDEA ilabi na kon ang mga operasyon sa nagkadaiyang adlaw mahitabo sa lagyong rehiyon.

Saysay niya nga bisan pa man sa massive hiring sa PDEA apan di gyud makaya niini ang operasyon.

“The police are here today. I don’t see any conflict with having the police coming back and strengthening the the PDEA at the same time. But the police are ready, they’ve shown success,” dsason ni Quisumbing.