Nataktak nga mga tinudlo

Mga tinudlo ni Pres. Rodrigo Duterte nangataktak ubos sa nagkalain-laing sirkumstansya. Bisan LP gitudlo nga housing chairman si Vice Pres. Leni Robredo apan giilisan kay dili ikasinabot sa tigom sa kabinite. China Peace Envoy Fidel Ramos gitangtang kay maayo lang sa sulti walay agi.

Rep. Gloria Arroyo giputlag gahom isip deputy speaker sanglit supak sa pagbanhaw sa death penalty. DILG Sec. Mike Sueno nangolikta og tong sa illegal nga sugal ug pangawkaw.

Deputy Immigration Commissioners Al Argosino ug Michael Robles nangilkil. DFA Sec. Perfecto Yasay namakak kay usa na ka US citizen. BOC Chief Nicanor Faeldon gipalagpot gumikan sa palusot sa shabu.

Gisalindot sa Commission on Appointments sila si DENR Sec. Gina Lopez kay nakontrahan sa mga tag-iyag minahan, DSWD Sec. Judy Taguiwalo, DAR Sec. Rafael Mariano kay mga walhon, DOH Sec. Paulin Ubial sa condum ug drug test sa mga estudyante sa high

school ug Chairman Martin Dino sa Subic Bay Metropolitan Authority kay walay maayong performance.

Mamiligro usab si DOLE Sec. Silvestre Bello III kay walhon ug Liza Masa nga nangulo sa National Anti-Poverty Commission nga walhon sab nga girekomendar ni Cabinet Sec. Jun Evasco.

Gipalagpot si ERC Chair- man Jose Vicente Salazar gumikan sa kurapsyon. Gipahulipan si Presidential Spokesperson Ernesto Abella kay dili hanas sa international law ug human rights.

Gipaluwat sa katungdanan si Dionisio Santiago isip chairman sa DDB sa dihang gisaway ang Nueva Ecija mega drug rebabilitation facility, gireklamo sa junket trips ug pagdawat og pabor sa dagkong drug players.

Gi-paresign si Usec ofr railways Cesar Chavez kay dili maayo ang kondisyon sa MRT-Line 3. Samtang temporaryong gipahunong ni Duterte ang overtime sa mga kawani sa Bureau of Immigration nganagpahimolos sa express lane fund. Mga supporter ni Duterte nag-away. House Speaker Pantaleon Alvarez ug Rep. Tony Boy Floirendo nga pulos taga Davao del Norte bahin sa pangabit ni Alvarez.

Gipautingkay ni Alvarez sa Ombudsman ang kasong graft ni Floirendo sa banana business deal sa Bureau of Corrections. Alvarez miawhag sa pagpakanaug ni Gen. Bato de la Rosa sa binuhatan sa kapolisan nga nakamansa sa administrasyon sama sa pagpatay sa Koreanong negosyante Jee Ick Joo sa Camp Crame ug pagpangilkil sa langyawng magpapatigayon Jack Lam.

Alvarez wala makagusto ni BOC Chief Faeldon gumikan sa palusot sa mga kontrabando. csa_1156@yahoo. com/0916-734- 5737)