2ND ASIA PACIFIC U-GAMES ANDAMNA

Andam na ang tanan alang sa pagpahigayon sa 2nd Asia Pacific University Games (APUG) 2017 nga sugdan karong Disyembre 6 (Miyerkules) sa alas dos ang takna diha sa Cebu Coliseum.

Walo ka mga teams - duha niini gikan sa laing mga nasod - ang magtigi sa upat ka mga events nga ipahigayon sa nagkalainlaing venue.

Ang duha ka mga langyawng delegasyon nagagikan sa Malaysia ug China samtang ang mga mosalmot sa mga local teams mao ang University of the Visayas, University of Cebu, University of Southern Philippines, Cebu Institute of Technology, University of San Jose Recoletos ug University of Sanc Carlos.

Ang upat ka mga events mao ang basketball (Cebu Coliseum), lawn tennis (CitiGreen), table tennis (Robinson’s Gallera) ug badminton (Rocket Zone sa Montebello Villa Hotel.

Gipaabot nga si kanhi PBA star nga karon commissioner na sa Philippine Sports Commission Ramon Fernandez maoy pinasidunggang mamulong atol sa opening ceremony.

Ang China nga gikatakdang moabot sa Disyembre 4 mosalmot lang sa basketball samtang ang Malaysia moparada sa ilang mga atleta sa tanang upat ka events.

“I think everything is set na. And we are very proud to host this international events. This is not an easy events,” matod ni Atty. Baldomero Estenzo kinsa maoy chairman sa or- ganizing committee.

Mapasalamaton usab si Estenzo sa tanang mga miayuda kanila sama nalang sa Department of Tourism, Cebu Province, Aquatic Club, Cebu Landmasters, Cebu City Government ug Cebu on Higher Education.

Si Jessica Honoridez, vice-chairman sa committee, mao usab ang magsilbing tournament manager sa

table tennis, Fritz Tabura sa lawn tennis, Lerma Aguilon sa badminton ug ingon si Estenzo sa basketball.

Sa niaging tuig, ang Japan maoy champion sa basketball apan nakadesider nga dili lang una kini moapil karong tuiga. Ang Malaysia maoy kampyon sa tennis ug sa badminton samtang ang UC mao usab ang midominar sa table tennis.

Sa opening day, ang University of San Jose Recoletos maoy makigsangka sa China sa main game sa basketball

men’s nga sugdan sa alas 6:30 sa gabii samtang ang USPF mao usab ang mosakbang sa Malaysia sa alas singko sa hapon.

Ang panagtakos sa UV ug USC maoy pormal nga moabli sa kompetisyon nga sugdan sa alas 3:30 sa hapon.

“This is an opportunity for the teams as far as their exposures is concerned. Dili lang kay kita-kita na lang dinhi ang perming magkasangka ba. So, it’s another level of

competition kay taga laing nasod man ang makontra,” dugang ni Estenzo.

Aron paghatag og kahigayonan sa publiko nga linawas nga makakita sa mga duwa, gihimo nga tag P10 ug P20 lang ang pulta apan libre ang tanang mga estudiyante.