NAGBAHA OG ASSISTS
Nagpabaha og 46 ka assists - labing daghan ning maong
season – ang Golden State Warriors aron makmakon ang host Orlando Magic, 133-112, kagahapon sa Na-
tional Basketball Association (NBA).
Ang Warriors nabantog sa kanunay nilang magdilaab nga opensa apan ning higayuna, ang ilang assists maoy mingbida. Gipangulohan ni Klay Thompson ang kadaugan pinaagi sa iyang 27 puntos, niamot og 25 puntos si Kevin Durant samtang nitunol og 23 puntos si Stephen Curry, kadaghanan niini gumikan sa ilang grabeng pinasahay sa bola. Mismong ang Warriors maglisod pagtuo nga nahimo nila ang pagmugna sa maong gidaghanon sa assists. “Forty-six assists is insane,” matod ni Warriors coach Steve Kerr.
Si Durant, kinsa na-ejected sa nahabiling 4:52 minutos, nagkanayon nga nahimong posible ang tanan gumikan kay tanan nilang magduduwa nga naa sulod sa korte kanunayng maglihok ug dili magpundo sa usa ka lugar.
“That’s amazing,” batbat ni Durant. “Everybody came and made plays tonight. We moved well without the ball and kept clicking on all cylinders.”
Sila si Curry ug Draymond Green ang nakahatag sa labing daghang assists sa Warriors. Nimugna sila og 10 ka assists matag usa.
“That’s what we pride ourselves on, ball movement, getting everyone involved. Everybody gets touches and we help each other in that way because we are all threats,” asoy ni Curry. Ang Warriors ningsaka sa 17-6 nga rekord, ikaduha sa Western Conference.
Ang Magic igo na lang pagdayeg sa gihimo sa Warriors hilabi na sa ilang pinasahay sa tibuok duwa.
“Golden State definitely impresses you with everything they do,” asoy ni Magic coach Frank Vogel.
Ang Magic, nga nahagsa sa 9-14 nga rekord, gipangulohan ni Aaron Gordon pinaagi sa iyang 29 puntos, niamot og 22 puntos si Evan Fournier samtang ningtampo og 18 puntos si Jonathon Simmons 18.
Ang assists sa Magic katunga ra sa nahimo sa Warriors. Gumikan sa kadaghan sa assists sa Warriors, daghang mga higayon nga nabakante ang ilang mga magduduwa hinungdan nga han-ay sab ang dagan sa ilang opensa. Ang Warriors mitali og 62.5 percent shooting. “I think the guys were embarrassed by the last two games,” matod ni Kerr, kinsa nagtumbok sa ilang overtime nga kadaugan batok sa Los Angeles Lakers ug surpresang kapildihan batok sa Sacramento Kings.
“If we can just play with that kind of energy, a little better judgment and a little better defense, we’re on to something. This is a good step in the right
direction,” dugang ni Kerr. Sa laing gikaintapang duwa, nagpakatap og 35 puntos si Paul George aron pangulohan ang host Oklahoma City Thunder sa kadaugan batok sa Minnesota Timberwolves, 111-107.
Maayo sab nga nakaduwa alang sa Thunder si Steven Adams, kinsa mitampo og career27 puntos. Ang lider sa Thunder nga si Russell Westbrook niamot og 15 puntos ug 14 asissts.
Sa uban pa’ng mga duwa, ningdaog ang Washington Wizards batok detriot Pistons, 109-91, Toronto Raptors batok Indiana Pacers, 120-105, Miami Heat batok Charlotte Hornets, 105-100, Sacramento Kings batok Chicago Bulls, 107-106, San Antonio Spurs batok 95-79, ug Utah Jazz batok New Orleans Pelicans, 114-108.