Raul Del Mar moamendar sa balaud sa motor
Gikatakdang mopalabang sunod semana og balaudnon sa Ubos Balay Balauranan si Kongresista Raul del Mar para matugotan nga makapamasahero ang mga motorsiklo (two-wheeled vehicle).
Si del Mar kinsa dinapit nga bisita atol sa unity ride sa kapin 1,000 ka mga habalhabal driver kinsa akreditado sa Angkas niingon nga ang maong problema maoy iyang nakita human usab kini gisuspenso sa Land Transportation Franchising and Regulatory Board (LTFRB).
“Ang sitwasyon gidili pa man nga maapil sila. Wa tay mabuhat kon dili amendahon nato ang balaod. Atong tan-awon kon duna bay kinahanglan amendahon didto (sa Republic Act 4136) so by
next week ma- file nana nato” Padayag ni del Mar.
Ang kongresista nibutyag nga makighinabi siya kang Mayor Tomas Osmeña aron maapil sa pag- regulate sa local government unit ang two wheeled vehiclse sanglit nalatid sa balaod nga mahimong maka- regulate ang LGU apan kutob ra sa mga tricycle.
Apan gipadayag ni del Mar nga di madali ang pag-amendar sa
provision sa RA 4136 kinsa nagdili sa mga motorsiklo nga magamit isip public transport sanglit molanat kini og labing dali usa ka tuig. Gibutyag ni del Mar, sakop sa
committee on transportation sa House of Representatives, nga iyang hangyuon kon mahimo bang makahatag og temporary
provision ang gobiyerno aron matugotan nga makapamasahero ang habalhabal. /