Bato sa apdo sa baboy mibalor og minilyon, tambal

Usa ka molupyo kinsa nakakita og bato sa apdo sa baboy gikatakda nga mahimo nga milyonaryo nga Chinese human usa ka eksperto mihatag og balor niini nga minilyon.

Ang talagsaon nga butang nga giila nga “bezoar”, usa kini ka dako nga gilangkuban sa mga buhok ug laing nakaon nga butang nga kasagaran nga makita sa “gastrointestinal system” sa mananap.

Mga mananambal sa tradisyunal nga Chinese medicine mitawag niini nga “Pig Treasure” ug nagtuo nga ang produkto nga gikan sa bezoar makakuha sa mga toxin sa lawas hinungdan nga talagsaon ug may balor kini.

Si Bo Chunlou, 51, nakakita og upat ka pulgada nga gitas-on, 2.7 pulgada ka lapad sa bezoar niadtong Agusto dihang iyang giihaw ang walo ka tuig niyang baboy sa iyang umahan sa Ju County, dakbayan sa Rizhao, Shandong Province, China.

Ang 550 ka libras nga baboy may dako nga bato nga diha sa iyang apdo dihang giihaw na kini diin giingnan siya sa iyang mga silingan nga aduna kini “medicinal value” kon pwede itambal, nagkanayon ang taho sa metro.co.uk.

Niini, si Bo ug ang iyang anak nga lalake nag si Bo Mingxue, 26, mibiyahe ngadto sa Shanghai diin nigasto silag £4,500 a- ron masusi kini sa mga eksperto.

Ang duha giingnan nga ang presyo sa bezoar sa baboy sa naasoyng gidak-on anaa sa mosobra sa P30 milyones.

Matod sa mga eksperto, ang bato adunay balor kon makitan kini sa apdo sa mananap.

Si Bo, kansang aduna na siyay appraisal certificate aron ipakita nga espesyal ang “Pig Treasure”, nipadayag nga dawaton niya ang tanyag sa pagpalit niini sa kantidad nga usa ka milyon. /