BATA GIBUTANG SA MICROWAVE
Giakusahan ang duha ka mga ginikanan nga mibutang sa ilang anak sa microwave oven nga hinugdan nga napaso kini.
Si Derick Boyce-Slezak ug ang asawa niini nga si Mikala, pulos nag-edad og 22, gipasakahan sa kasong felony o
neglect of a child sa kapulisan sa Missouri, Estados Unidos.
Ang magtiayon gidakop human gidala nila ang ilang anak nga lalake, nga anaa sa upat ka buwan ang panuigon, ngadto sa hospital nunot sa libagha sa iyang nawong.
Nadiskubrehan sa mga doktor nga ang libagha sa nawong sa bata usa ka “second-degree” nga paso ug sa ilang gihimo nga pakisusi nagsuta nila nga may buak ang iyang bagolbagol ug may samad iyang utok.
Ang dokumento sa korte nga nakit-an sa The St. Louis Post Dispatch nga gikutlo sa Mirror News miakusar kang BoyceSlezaks nga ilang gitagak ilang bata samtang ilang gisunod ang TV commercial ug gipaalisngawan kini sa microwave.
Ang mga ginikanan nisulti sa mga doktor nga ang paso niini resulta sa ilang gilimpyo nga kemikal.
Atol sa husay sa korte si Mikala mipadayag sa iyang katungod kabahin sa “self-incrimination” dihang gipangutana siya kabahin sa samad sa bata. Si Derick wa motestigo.
Ang representante gikan sa Missouri Department of Social Services namahayag nga si Mikala Boyce-Slezak may nahaunang pamahayag nga ang samad sa ulo sa bata resulta nga gitagak kini ni Derick samtang ilang gisunod ang “advertisement” nga iyang nakita. Si Mikala nangangkon usab nga iyang gituohan nga si Derick mibutang sa bata sa microvave ug gibuksan sa mubo nga panahon.
Nunot sa grabe nga alegasyon, ang duha anaa karon sa kustodiya sa St. Francois County Jaila diin mamahimo silang makapiyansa sa kantidad nga $500,000.
Ang lang record sa korte nagpadayag nga ang magtiayon maoy ginikanan sa usa ka babaye diin buot nga anaa nila ang kustodiya sa bata human kini gipakatawo niadtong Enero 2016. /