ARUM DILI GUSTO SA PAC-MAC FIGHT

Dili uyon si Top Rank boss Bob Arum sa ideya nga makig-away si 8-division boxing world champion Manny Pacquiao batok kang mixed martial arts (MMA) superstar Conor McGregor.

Alang kang Arum, usa kini ka dakong mismatch nga mas grabe pa kumpara sa panagparang nila ni Floyd Mayweather Jr. og McGregor.

Si McGregor miaway sa boksing sa labing unang higayon niadtong Agusto 26 sa Las Vegas diin yano siyang gipilde ni Mayweather pinaagi sa 10th round TKO.

Dili pa lang dugay, si Pacquiao, kinsa adunay 59-7-2,

38KOs nga rekord, nagpagawas og indikasyon nga interesado siyang makig-away kang McGregor apan dakong supak si Arum niini.

“If we equate boxing with fighting -- because I’m not talking about his ability as an MMA participant because he has been very good with that -- Conor McGregor can’t spell fight,” batbat ni Arum sa interbyu sa CBS Sports.

“Mayweather carried him before he took him out. With Manny, it wouldn’t be a contest, it would be a money grab. Conor McGregor is not a boxer and does not know how to box. His stance is a stance of an MMA fighter who has to protect against kicks and takedowns. He is not competitive with any fighter no matter how old that fighter is.”

Gitataw ni Arum nga wala siya’y plano nga mohimo og lakang aron ihan-ay ang away.

“The answer is no, I wouldn’t particularly look forward to doing a fight featuring McGregor and Pacquiao,” pagtino ni Arum.

Hinuon, matod ni Arum nga kon mamugos ang Pambansang Kamao sa Pilipinas, maaghat na lang siya sa paglihok aron mahitabo ang away bisan supak ang iyang kabubut-on.