SHS-Ateneo mapasigarbuhon gihapon
Wa man tuod molampos apan mapasigarbuhon gihapon ang Sacred Heart SchoolAteneo de Cebu sa ilang
runner-up finish sa 32nd SBP Pasarelle human sila mapildi sa La Salle Greenhills sa Cebu Coliseum sa susamang adlaw.
“Maayo ang gipakita sa mga bata. Satisfied mi mi sa ilang
performance bisan niadtong June lang mi nag- training,” matod ni SHS-AdC headcoach Helben Regodon kansang Magis Eagles nasugamak sa 66-51 nga kapildihan.
Dugang ni Regodon nga kadto maoy unang nilang pagabot sa national finals apan gipakita sa mga bata ang ilang kasingkasing.
Sa championship game, sayo miarangkada ang La Salle kinsa nakaposte og kapin sa 20 puntos nga labaw.
Apan sa third quarter, mipabuhagay ang Sacred Heart og dakong rally ubos sa pagpangulo ni Stephen Joash Cutamora, Jared Bahay ug Renzo Keanne Zanoria aron pagtapwas sa labaw.
Hinuon wa makalahutay ang Sacred Heart sa dihang nagkumboya na usab og balik sila si Lonrenz Bryan Competente ngamay 25 puntos ug James Yuang Ison nga milanit usab og 11 puntos.
Sa Magis Eagles, si Cutamora maoy nangulo nga may 15 puntos ug siyam ka rebounds samtang 13 ang nadugang usab ni Bahay.
Pildi man tuod apan sayod ang kinatibukang puwersa sa Sacred Heart nga nakahatag og dakong pagkat-on alang kanila ang ilang pag-abot sa national finals.