NABAKUNAHAN GI-DENGUE

Usa sa unang mga bata nga nabakunahan og dengue vaccine Dengvaxia nidangat sa tambalanan human giingong nasakit og dengue fever sukad sa miaging semana.

Gidala og una sa Talisay District Hospital una pa gibalhin sa laing tambalanan si Jujen Ababon 10, tinun-an sa grade-5, taga sityo Kaduldulan, Barangay Lawaan 3, dakbayan sa Talisay.

Nabantayan sa iyang inahan nga si Jinny Ababon, 30, nga naghilanat sukad pa niadtong Sabado ang iyang anak.

Samtang sa pagka Domingo, nagsigi na kini og sunggo apan iyang gitambalan sa ilang balay.

Matod ni Jinny nga niadtong Martes nahuwasan ang ilang kahingawa tungod kay wa na kini hilanti.

Apan kagahapon sa kadlawon ilang nabantayan nga migrabe ang sunggo sa iyang anak.

Nakahukom sila nga ila kining dad-on sa district hospital ug didto nila nasayran nga nasakit kinig dengue fever.

Gibutyag ni Jinny nga ang iyang anak usa sa mga nakapahimulos sa bakuna nga Dengvaxia niadtong Agusto 8 ning tuiga sa dihang gihimo ang pagpangbakuna sa Talisay City Health sa ilang barangay.

Iyang gibutyag nga human sila makadungog sa balita sa epekto sa bakuna, siya nabalaka ilabi na kay ang iyang anak wa pa usab makasuway og dengue hinungdan nga misamot ang iyang kabalaka.

“Akong giingnan akong anak nga ayaw sigi laag kay mag monitor ko nimo. Naa baya mga balita. Nga bisag mahilantan kiat man siya gihapon,”matod sa inahan.

Si Jujen maoy kinamagwangan sa upat niya ka mga anak.

Ang Sanofi Pasteur nipahibawo sa resulta sa ilang mga pagtuon nga ang bata nga wa pa makasuway og dengue fever apan nabakunahan, masakit og

Mas maayo nga madapatan niini “severe dengue.” nga nakaagi sa mao nga sakit.

Ang Department of Health nipahunong una sa pagpamakuna human sa pahibawo sa manufacturer. head nurse

Ang Talisay District Hospital nga si Harby Abellanosa miingon nga anaa na sa stable nga kahimtang ang bata.

Apan gibalhin lang usab kini dayon sa pribadong tambalanan alang sa dugang pag-atiman.

Si Konsehal Choy Aznar, pangu sa committee on health sa city council sa Talisay, niingon nga ila nang gipa-monitor sa doktor ang kahimtang sa bata. Mohatag usab sila og financial assistance ngadto sa pamilya kon gikinahanglan. /