I don’t want to wait
Gipasulod ko si Jonna sa sala. Gipalingkod ko siya. Milingkod sab ko sa iyang atbang. Morag way pagkahunong ang pagpahiyom ni Jonna nako. Aw, best friend gud mi.
“Nganong nia ka man diay, Jon? Gibiyaan man lang nimo si Ramir?”
Gipakita ko kang Jonna nga nalipay kunohay ko sa iyang pagduaw nako. Nagsige sab kog smile niya. “Nakita diay mi nimo?” “Ay, oo, uy. Mora man gani mog uyab.”
Wa ko ipakita kang Jonna nga nagselos ko. Gikidhatan ko siya. Mikatawa lang si Jonna. Wa siya moangkon nga
boyfriend niya si Ramir, ug wa sab siya mo- deny. “Nganong nia ka lagi, Jon?” “Mag- beach mi si Ramir sa
next Sunday. Kuyog ta.” Naghunahuna ko. Di kaha labaw lang kong sakitan kon makita ko sila si Ramir ug Jonna nga sweet kaayo samtang naligo sa dagat o sa swimming pool? Maguba gyud ang akong adlaw.
“Kamo na lang duha, uy, Jon.” Mibalibad ko kay di man gyud ko malipay nga si Jonna ra ang hatagan og panahon ni Ramir. Mapadaplin lang ko.
“Na, ayaw ko balibari, Jane. Birthday baya nako.” “Birthday diay nimo?” Mapahiyumon si Jonna nga mitando. Nakapanghupaw ko. Morag di man sab maayo nga balibaran ko si Jonna kay birthday man diay niya. Personal pa gyud ko niyang giimbetar.
“Sige na lang, uy. Mokuyog ko ninyo, Jonna.” Nakig-aper si Jonna nako. “Salamat, ha, Jane. Di lagi mangapaslot ang atong panit. Di man sa dagat ta maligo, sa
swimming pool man.” Unya mitindog na si Jonna. Nananghid siya nga mopauli na. Gihatod ko siya kutob sa pultahan sa among balay. Unya nagdali kong misaka sa among terrace. Gilantaw ko si Ramir. Naa gihapon siya, naglingkod sa bangko sa gawas sa tindahan nila ni Jonna. Dali rang nahiabot si Jonna sa nahimutangan ni Ramir.
Nakita ko nga nag-aper sila. Morag malipayon si Ramir dihang dunay gisulti si Jonna. Di ko madungog ang ilang gipanag-estoyahan kay layo man sila nako. Apan naklaro nako nga naipay si Ramir.
Unya nagtupad na sab silag lingkod.
Pagka sunod Domingo, buntag pa gani nangadto na ming tulo sa beach resort sa Cordova nga dunay swimming pool. Gidala ni Ramir ang ilang awto. (SUMPAYAN)