3 ka adlaw nga derby sa M’daue
Tulo ka sunodsunod nga adlawng kombati sa dekalidad nga mga manok ang masaksihan sugod karong adlawa nga ipahigayon diha sa New Gallera de Mandaue, barangay Paknaan, dakbayan sa Mandaue.
Moabli karong adlawa mao ang 5-stag derby nga ubos sa promotion sa Seaman Gamers and Breeders Association (Segba) nga nagtangag og ganti nga P300,000 ug may pot money nga P6,600.
Sa Biyernes, ang Macoco Promotions mapasigarbuhon usab nga mopasundayag sa P4-cock derby nga sama sa gihapon adunay ganting salapi nga P300,000 alang sa mga ma- champion. Ang pot money mokantidad og P5,500.
Samtang sa ikatulong adlaw, turno na usab sa GE Promotions ug ning higayona, usa ka malabo nga P500,000 nga premyo ang nakahan-ay alang sa mga mananaog. Mga nagunang derbyesta sa Sugbo ug silingang dapit ang gipaabot nga magka-engkuwentro ning maong derby nga may entry fee nga P11,000.
Sa Disyembre 12 sa Gallera gihapon, mosugod na usab ang tulo ka adlaw nga P1 million 4-cock/stag derby nga ubos sa pagdumala sa Abio Monsanto Promotion nga magsilbing kalihukan alang sa kasaulogan sa Pasko.
Nanawagan si Monsanto sa gustong mosalmot sa maong derby nga may pot money nga P5,500 lang sa pagkontak o sa pagpakisayod sa cellphone no. 09173346079.