MAKADANI ANG BLUEWATER SUMILON ISLAND RESORT

Kon gusto ka mag-relax ug pang-world class ang accommodation, usa na ang Bluewater Sumilon Island Resort sa lungsod sa Oslob nga makadalit nimo niana. Gawas sa makabihag ug panoramic views, white sand beach, lagoon ug ubang pasilidad, ang resort naghimo og dugang pasilidad nga makadani og mga bisita.

BIKE TRAIL

Karong bag-o, ang resort nibukas sa bag-ong bike trail alang sa mga bisita nga mahilig magbisikleta diin maagian ang lighthouse ug baluarte sud sa 15 minutos nga pagsikad. Si Eduardo Jose “EJ” Barretto,

resident manager sa Bluewater Sumilon Island Resort, niingon dunay bahin sa trail nga challenging kay batuon ang yuta, apan sayon na ang pagbisikleta paingon balik sa main road.

Sa kasamtangan, dunay upat ka mountain bikes ang gipaabangan sa tag P150 matag oras apan nagplano sila nga magdugang og upat sa di pa ang summer sa sunod tuig kon mas daghan na ang mangabang.

TREKKING

Gawas sa bike trail, malingaw usab ang mga bisita sa ubang mga kalihokan sa resort sama sa trekking, glass-bottom kayaking ug fishing sa lagoon, snorkeling ug caving. Sa trekking, di lisod apan ang

challenging maglakaw ibabaw sa naggansang-gansang nga mga anapog o limestones. Dunay tulo ka levels: 1.3 ka kilometros nga baktas alang sa beginner trail, 1.5 ka kilometros sa moderate trail ug 1.7 ka kilometros sa advance trail alang sa mga anad na sa trekking.

Sa advance trail, makita ang panoramic view sa isla samtang magbaktas sa labing ibabaw sa bungtod o pangpang.

“Ang direction kasi namin here sa Bluewater Sumilon is to give more activities for our guests na more on nature related,” sumala ni Barreto. Mabihag usab ka sa malantaw nga pagsubang ug pagsawop sa adlaw sa isla.

Ang Sumilon Island gibanamay gidak-on nga 24 ka ektarya nga nahimutang sa habagatang-silangang bahin sa mainland Cebu.

Ang pangan nga “Sumilon” nagagikan sa pulong nga sumilong kun pasilong.

BAG-ONG MGA PASILIDAD

Bag-o lang nahuman og himo ang dive shop ug shower rooms sa resort.

Karong Enero sa sunod tuig, mag-abli ang resort og bag-

ong swimming pool ug restaurant nga gitawag og “Pulo.”

Dugang kini sa kasamtangan nga infinity pool nga nag-ambo ibabaw sa dagat ug malantaw ang kaatbang nga isla.

Matod ni Barreto ang bagong restaurant alang sa sinugba nga mga pagkaon ug swimming pool kay alang sa ilang day tour nga mga bisita.

Magdugang usab sila'g 8 ka mga lawak sa sunod tuig nga sugdan og tukod sa Enero.

Sa kasamtangan, dunay 31 ka mga lawak ang resort: 14 ka deluxe, 14 ka premier deluxe, ug tulo ka villas (duha ang pang- honeymoon samtang ang usa pangpamilya).

Si Barreto nidugang kasagaran sa mga bisita modagsa panahon sa tingbakasyon sugod sa Abril.

Ang resort lainlain usab ang festival sa pagkaon nga i-serve sa matag adlaw: Sizzling Barbecue Night, Barrio Fiesta, Tex Mex, Fishing Village ug Flavors of Asia diin ang set-up sa pagkaon ipahimutang sa lainlaing lugar sa resort.

Unsay nakalahi sa resort sa ubang island resorts? Pulos mga Pinoy ang nagserbisyo sa ilang resort, maabiabihon ang staff, lamiang mga pagkaon nga may lasang Pinoy ug pang Pinoy ang architecture ug desinyo sa mga pacilidad.

“Our goal would be a place you want to go even without whale sharks,” dugang ni Barreto. Karong tuiga, gisaulog sa resort ang ika-12 nga anibersaryo nga nagbukas niadtong 2005 nga may 12 lang ka lawak. /