Tabang sa simbahan sa Sta. Fe

Kapin sa lima ka tuig na ang padayung konstruksyon sa simbahan sa Santo Niño Roman Catholic Parish Church sa lungsod sa Santa Fe sa isla sa Bantayan.

Sa nagpadayong nagsingabut nga panahon, wa pa kini nahatagan og hingpit nga kahumanan.

Mga nagkadaiyang sektor na sa katilingban ug mga nagkadaiyang katawhan ang mipaambit sa ilang mga tabang arun hinay hinay nga ma hatagan og katumanan ang kahumanan sa maong simbahan.

Apan tungod sa kadako sa mga galastuhanan, nagpabilin ang dakong kakuwangon ug ang padayong dakong panginahanglanon sa maong simbahan.

Ang Santo Niño Roman Catholic Parish Choir nakadesider sa pagpahigayon og choral concert sud sa simbahan karong Disyembre 17, 7 p.m.

Ang kita sa konsyerto ihapak sa padayong pagpatukod sa simbahan.

Kapin sa baynte ka tuig na ang choir nga nagsilbi sa simbahan, kasagaran kanila nangaminyo na ug sa ilang pagkaminyo, gipili gihapon nila ang magsilbi sa Ginoo.

Dakong kalipay sa choir kung mahatagan silag dakong suporta sa mga tawong nagtinguha nga makatabang sa katukuran sa ilang simbahan pinaagi sa pagsaksi sa ilang konsyerto.

Kung mahatagan og kahigayunan nga mokita og dako ang ilang konsyerto, ang altar sa simbahan maoy nakasentro sa ilang proyekto nga pagahimuon.

Ang ticket mapalit sa P20,000, P10,000, P5,000, P1,000 ug P100 ang general admission.

Alang sa dugang detalyi, pakig alayon ni Anne Claire Ortega sa 09339751189 ug 09397610423.

Sa gustong mo-deposito sa ilang mga tabang, pwede log sa PNB 302710054440 ubos sa pangalan nila ni Anne Claire Ortega ug Romeo Pacilan.