Ancajas nag-courtesy call sa iyang lodi nga si Presidente Duterte

Daw sa di katuo ug wa mahimutang si Jerwin Ancajas sa dihang sa wa damha sa iyang kinabuhi nga makaatubang ang iyang idolo.

Ang kasamtangang International Boxing Federation (IBF) junior bantamweight champion nag- courtesy call ni Presidente Rodrigo Duterte niadtong Martes sa gabii sa Malacanang ug sa unang higayon iyang nahimamat ang usa sa iyang giidolo.

Giangkon sa 25 anyos nga An- cajas, lumad nga taga Panabo, Davao del Norte, nga daw sa gibayaw sa presensiya ni Duterte.

“Super excited kami. Nung malapit na si Presidente parang nanginginig na yung tuhod niya, tapos habang kausap na kami, parang nabubulol naman kami,” matod ni Joven Jimenez ang trainer ug manager Joven Jimez sa dihang gikahinabi sa Spin.ph.

“Sabi ni Jerwin sir, hindi po daw niya lubos maisip na mangyayari sa buhay niya na makakaharap ang Presidente lalo at LODI niya ito.”

Gawas kang Jimenez ug Ancajas, diha usab sa grupo sila si Olympian MarK Barriga ug Games and Amusement Board (GAB) chairman Baham Mitra.

Wa man tuod mohisgut og financial nga bonus ang presidente apan misaad kini nga motabang niini ug ingon man sa boxing sa kinatibuk-an.

“Masaya siya kay Jerwin at kay Mark kasi (parehong) taga Davao at Batang Almendras. Doon po nag-umpisa si Jewin noong nine years old pa lang siya,” padayag ni Jimenez.

Si Ancajas nga ubos sa MP Promotion ni Manny Pacquiao, bag-o lang nakadepensa sa iyang titulo batok ni Jamie Conlan.