JOs, COS sa Mandaue City adunay gratuity pay
There are few na lang gyud ang wala pa kasugod og CBT, ubayubay na sab ang na train sa DOH but rest assured almost all na sab ang nakastart sa CBT” Carmen Remedios Meca-Durano
Mas mabulukon ang pasko sa di mominos 2,300 ka mga job-order ( JOs) ug contract of service (COS) nga kawani sa Mandaue City Hall. Kini human ang maong mga kawani makadawat og P2,000 gikan sa kagamhanan sa dakbayan. Ang maayong balita linya sa gipirmahan ni Presidente Rodrigo Roa Duterte nga administrative order nga nagtanyag og gratuity pay ug laing P3,000 isip adjustment sa ilang honorarium sa nilabayng 6 ka buwan.
Giaprobahan na sa konseho sa dakbayan ang ordinansa kalabot sa maong tahas sa milabayng buwan.
Ang maong ordianansa gipangamahanan mismo ni konsehal Nenita Layese, chairman sa komitiba sa appropriation, budget ug finance. Matod sa maong ordiansa, nga ang gratuity pay nag-ila sa dakong natampo sa mga JO ug COS nga kawani sa ilang kahago sa pagserbisyo.
Mismong si Duterte mi-isyu sa Administrative Order 2 kalabot sa maong tahas.
Base sa order, kadtong mga kawani nga nakaserbisyo ug di mominos sa 4 ka buwan ang makadawat niini.
Si Bise Mayor Carlo Fortuna niingon nga makadawat sab ug P3,000 nga adjustment sa ilang allowance.
“We just adjusted their allowances or honorarium for the last 6 months of the year. Hence, they will receive an adjustment around P3,000. Hopefully we can release it by the end of the year or in January, but funds are ready,” matod ni Fortuna.