CBTP malampuson sa rehabilitasyon sa mga adik
Nadasig si Carmen Remedios Meca-Durano, hepe sa Cebu Provincial Anti-Drug Abuse Office (CPADAO), sa Base sa pamahayag ni Archbishop Jose Palma bahin sa pagtutok sa rehabilitisasyon sa naulipon sa drugas.
Matod ni Durano nga kinahanglang 50/50 ang aksyon sa Philippine National Police (PNP) sa kampanya batok sa gidiling drugas.
Gikutlo sa pamahayag ni Palma nga gawas sa subsob nga pagpanakop, himuon ang seryuso nga rehabilitasyon.
Sa hingpit nga rehabilitasyon, dugang ni Durano, moubos usab ang demanda gidiling drugas samtang gihimo ang hugot nga operasyon sa pagwagtang sa tinubdan sa drugas.
Ug mas malampuson ang kampanya sa awtoridad kon dunay halapad nga suporta gikan sa komunidad busa giduso paghimo sa Community Base Treatment Program (CBTP).
“This fight is really a shared responsibility, everybody must play its role,” matod ni Durano.
inaagi sa paghatag og suporta sa CPADAO sa pagpaubos sa demand sa druga, daghang local government units (LGUs) nga migradwar sa CBTP ug narepormador nga nagpamatuod nga malampuson ang CBTP.
Agg mga graduwalo sa CBTP naghatag og paglaom nga makatrabaho og balik ug manginabuhing normal, kini sukdanan sa maayong resulta sa hiniusang paningkamot sa nakalainlaing organisasyon nga nipatuman sa CBTP.
Gitataw ni Durano nga ang CPADAO hugot nga nakigalayon sa Department of Health 7 (DOH) alang sa pagmonitor sa mga migraduwar aron mareporma.
Dunay 2,798 ang migradwar sa CBTP sa Sugbo base sa framework sa DOH 7 gikan sa dakbayan sa Naga ug Bogo ug mga lungsod sa Argao, Dalaguete, San Remegio, Carmen, Sogod, ug Boljoon.
Dugang 24 ka LGUs sa amihanan ug habagatang bahin sa lalawigan sa Sugbo nga on-going ang ilang pagpahigayon sa CBTP.