Ruru Madrid dili pa andam makigrelasyon
MANILA - Usa ko sa giimbitar sa 20th birthday party ni Ruru Madrid sa Saisaki Restaurant ug matud ni Ruru ang 2017 mao kuno ang iyang pinakanindot nga year kay daghan siyang nadawat nga grasya. Nakadawat pa siya og award.
Wala kuno siya’y girlfriend karon tungod kay mas priority niya ang iyang career. Never sad kuno niyang nauyab si Gabbi Garcia. Friends lang daw jud kuno sila. Bisan si Janine Gutierrez ini-link sad kang Ruru pero friends lang sad kuno sila. Bisan ang usa ka beauty contestant nga na-link kang Ruru, never nga naging sila pero niangkon si Ruru nga nag-uban sila nga nanan-aw og sine.
Morag dire-diretso ang grasya ni Ruru hangtod sa sunod tuig (2018) kay karon pa lang, nagung-ong na sad ang usa ka teleserye, diin si Ruru ang bida. Ang title niini, “Sherlock Jr.” Usa ka reporter sa newspaper ang role ni Ruru, pero kanunay siyang ma-iskopan sa iyang binuhing iro.
Sa laing bahin, gipangutana namo si Ruru kung unsay iyang ikasulti sa miaging Bench fashion, diin usa siya sa nirampa pero di gaanong napansin ang iyang presensiya, unlike sa kapwa Kapuso niya nga si Rocco Nacino nga nagpakita sa iyang “behind”.
“Hindi ko talaga nagpaghandaan ang Bench commercial. Mataba ako dun dahil kain ako nang kain. Beforehand, alam ko rin ang gagawin ni Rocco, pero di ko pa talaga kaya ang ganun,” ni Ruru.
Kagahapon napuntahan ko ang bonggang balay sa Lord of Scents nga si Joel Cruz sa Sisa Street (parte pa siguro siya sa Sampalok) og sa makausa pa nakita ko ang 3 ka pares sa iyang mga kaluha.
Ang unang kaluha (boy and girl) dagko na og nasa grade school. Ang sunod, puro lalaki og mga ambungan, ang bag-ong kaluha mga bata pa kaayo. Gusto niyang maka-usa pa so nag-bilin na sad siya og sperm cell sa Russia.
Kon mabuo kini pinaagi sa usa ka surrogate mother, okey na kang Joel bisan og dili kaluha. So magiging pito na ang iyang anak.
Pito sad kuno silang managsuon so okey lang kung pito pod ang iyang anak, pero kung kaluha kuno gihapon, mahimong walo tanan ug much better kuno.