SIRENA NATAWO SA INDIA, PATAY
Nanganak ang batan-ong inahan sa ikalimang “mermaid
baby” nga gipanganak sa tibuok kalibutan apan pipila ka oras namatay ra usab kini.
Si Muskura Bibi, 23, mipatingala sa mga doktor human manganak og bata nga may Mermaid Syndrome o mas naila nga Sirenomelia, lahi nga kondisyon sa porma sa lawas sa tawo.
Ang bata, kansang bayhon di maestablisar nunot kay nausa ra ang iyang mga paa, maoy ikaduhang bata nga gipakatawo nga may Sirenomelia sa India.
Apan, wa kini matabang sa mga doktor kay human upat ka oras kini nga gipakatawo nakabsan ra kini sa kinabuhi.
Ang nahitabo mao kini ang una nga gipakatawa nga Sirenomelia sa ilang dapit apan
ikaduha na kini sa tibuok nasod.
“The baby had normal formation in upper part of the body but below the waist its legs were fused together. The lower part was not developed completely,” matod ni Dr. Sudip Saha, child specialist sa Chittaranjan Deva Sadan Hospital sa Kolkata nga gikutlo sa Mirror News. Si Bibi wa makapaubos sa ultrasound sonography ug di usab makaabot og palit og tambal samtang siya nagmabdos.
Matod ni Saha nga nagpasabot ang insidente nagpasabot nga way maayo nga sirkulasyon sa dugo ug kini matarong sa pagpakaon.
Ang unang “mermaid baby” nga natawo sa India nabuhi lang sud 10 minutos niadtong 2016. /