BOSTON MIBAWOS
Detroit Pistons gipalyar , 91-81
Gibawsan sa Boston Celtics ang host Detriot Pistons, 91-81, kagahapon sa National Basketball Association (NBA).
Sa dihang gipakaging sa Pistons ang grabe ka inilog nga Celtics sa miaging buwan, si Andre Drumond nagpakatap og 26 puntos aron pangulohan ang kadaugan samtang nitampo og 20 puntos si Reggie Jackson.
Apan ning higayuna, gipaneguro sa Celtics nga dili makadiskarte og insakto sila si Drummond ug Jackson.
Si Drummond igo lang nakamugna og unom ka mga puntos samtang duha ra ka mga puntos ang nahimo ni Jackson.
“We were locked in,” matod ni Boston center Aron Baynes. “Our offense wasn’t as crisp as we wanted it to be, but defensively we had a game plan and we stuck with it. We were trying to pack the paint and make them make plays from the outside. Last time, they really had whatever they wanted inside the paint.”
Ang Celtics, nga gikan sa kapildihan batok sa San Antonio Spurs, ningsaka sa 23-5 nga rekord aron pahugtan ang ilang paggunit sa liderato sa Eastern Conference samtang ang Pistons mingkanaog sa 1412 nga baraha.
“We responded not only to that loss at home (to Detroit), but also to the tough Spurs loss,” matod ni Celtics guard Kyrie Irving. “We want to continue to build character and identity for our team and be responsive with a quick turnaround.”
Gipangulohan ni Al Horford ang kadaugan pinaagi sa iyang 18 puntos, nidugang og 16 puntos si Irving, nihatag og 12 puntos matag usa sila si Jaylen Brown ug Marcus Smart samtang niamot og 11 puntos si Jayson Tatum.
Ang Pistons gipangulohan ni Tobias Harris pinaagi sa iyang 19 puntos, nitunol og 15 puntos si Anthony Tolliver, niamot og 12 puntos si Avery Bradley samtang nihatag og 11 puntos si Ish Smith.
Ang three-point shot ni Tatum maoy nakahatag sa Celtics og walo ka mga puntos nga labaw sa nahabiling 1:55 minutos ug gikan niini, wala na nakabangon ang Pistons.
Ang depensa sa Celtics maoy dakong hinungdan sa ilang kadaugan. “We’ve lost some confidence and we need to get it back,”
matod ni Detriot coach Stan
Van Gundy. “We knew we were going to play a month unlike anyone else in the NBA, and we started it well, but now it has gotten bad.”
Sa Indianapolis, nagpakatap og career-high nga 47 puntos si Victor Olapido aron agakon ang host Indiana Pa- cers sa overtime nga kadaugan batok sa Denver Nuggets, 126116.
Sa lain pang mga sangka, ningdaog ang Toronto Raptors batok Sacramento Kings, 10287, Minnesota Timberwolves batok Dallas Mavericks, 97-92, New Orleans Pelicans batok Philadelphia 76ers, 131-124, ug New York Knicks batok Atlanta Hawks, 111-107.