MIYEMBRO SA DEU IPA-BACKGROUND CHECK SA PRO 7

Dili una mosugod ang Police Regional Office (PRO) 7 sa ilang anti-drug operation kon dili mapaubos sa background investigation ang personnel nga sakop sa Drug Enforcement Unit (DEU). Gipatawag sa direktor sa PRO 7 ang tanang hepe sa police stations apil ang ilang personnel nga sakop sa DEU

alang na sa pagbalik sa ilang anti-drug operation. Mao kini ang gibutyag sa

information officer sa PRO 7, Supt. Reyman Tolentin.

Usa sa katuyoan niini mao ang pagsuta sa bag-ong guidelines sa kampo Crame may kalabotan sa gubat batok sa ilegal nga drugas nga wala nila himoa sa nanglabay nga operasyon, matod ni Tolentin.

Duyang niya nga apil sa mopasabot sa mga police director sa Philippine Drug Enforcement Agency (PDEA) 7 nga lead agency sa kampanya batok sa ilegal nga drugas.

Usa sa mga kamandoan sa Kampo Crame sa tanang rehiyonal nga buhatan lukop nasud mao ang pagpaubos sa

background investigation sa personnel nga maoy maglangkob sa DEU isip kabahin sa ilang internal cleansing.

Giklaro ni Tolentin nga dili tugotan nga molusad og anti

-drug operation ang usa ka pulis nga dunay sektetong ilegal nga binuhatan.

“Atong gipanghingusgan sad ang atoang internal cleansing aron pagsiguro gyud nga ang miyembro sa anti-drug operation dili miyembro sa pikas ug pagsiguro nga tinud-anay ang pag serbisyo,” matod ni Tolentin.

Usa usab sa kamandoan sa Kampo Crame ang pagpasulsa body cameras sa mga pulis panahon sa ilang operasyon.

Ang hepe sa City Drug Enforcement Unit( CDEU) sa Cebu City Police Office (CCPO), Chief Insp. Christopher Navida, nagkanayon nga nagsugod na ang ilang pag-imbestigar sa ilang mga sakop.

Tinguha nila nga ang tanan niyang sakop walay bahid sa kurapsyon ug wa nalambigit sa ilegal nga kalihukan.

“Ngayon na may activation ulit ng DEU ganun pa rin yung gagawin natin dun sa mga personnel natin to ensure na ang lahat personnel na mag ka conduct ng anti drug operation is clear from any criminal activities,” matod ni Chief Insp. Christopher Navida.

Usa sa mga tumong, matod ni Navida, malikayan ang mga pagduda nga wala mausab ang kapulisan sa ilang internal cleansing ug nagpabilin ang problema sa kurapsyon.

Sunod semana ipaubos usab sa seminar sa Commission on Human Rights ang mga sakop sa DEU lakip na ang Special Weapons and Tactics aron wala silay malapas nga tawhanong katungod sa anti-drug operation.