ULO GIPUY-A’G MGA ULOD
Luoy ang kahimtang sa usa ka 30-anyos nga babaye sa India kansang ulo gipuy-an og mga ulod.
Ang mga volunteer gikan sa Gorakshdham, usa ka charity
group nga nagbase sa India, ang nakakaplag sa libud-suroy nga babaye nga naghilak samtang naglingkod daplin sa karsada sa Bharatpur, Rajasthan.
Dihang ilang giduol ang babaye, nakit-an nila ang mga ulod nga nagkamangkamang sa ulo niini.
Ang babaye, ginganlan og Preeti Devi, gidala sa shelter sa grupo diin kini giatiman ug giamuma hangtod nabalik ang kabaskog sa iyang lawas sud sa lima ka buwan.
Ang mga volunteer nagtinabangay pagkuha sa mga ulod ug paglimpyo sa mga samad ni Preeti aron dili na puy-an og balik og mga ulod.
Sumala sa mga opisyal sa Gorakshdham, si Preeti gibiyaan sa karsada nga may mga samad sa iyang ulo.
Siya nisibat sa ilang balay sa Bihar dihang giatake sila sa grupo sa mga tawo unom ka buwan na ang nakalabay.
Sumala sa taho sa metro. co.uk, si Preeti nakaabot sa Rajasthan diin kini nanginabuhi sa dalan.
Gumikan sa iyang mga samad sa ulo nga wala na malimpyohi, gitugpahan kini og mga langaw ug giitlogan nga maoy hinungdan sa pagdaghan sa mga ulod sa iyang ulo.
Si Preeti dali nga gitabangan sa mga volunteer, gipakaon ug gihatagan og mga sinina. Iyang gihulagway ang mga
volunteer nga mga anghel nga nitabang niya.
“What Gorakhadham and its volunteers have done for me no one will do for a stranger,” su- mala sa babaye.
Si Preeti nidugang ang nahitabo nga pagpangatake nakapahadlok niya.
Apan tungod sa gibuhat sa mga volunteer, matod niya, nakapabalik sa iyang pagtuo sa mga tawo. "If these angels hadn’t spotted me and nursed back to health, I would have been dead by now," dugang niini.
Siya nagplano nga mobalik sa iyang panimalay ug magsugod og bag-ong kinabuhi kauban ang iyang pamilya. /