CAFE TRIBU GIPAILA SA SUGBO
Nangita ka ba og negosyo nga walay dakong labad sa ulo sa pagsugod? Sulod sa franchising nga duol sa imong gusto o hilig.
Bahin sa franchising, gipaila sa Sugbo ang Cafe Tribu, ang paspas nga natubo nga coffee chain sa nasod nga nagbase sa Manila.
Bag-o pa lang ang kompaniya apan aduna na kini karon kapin sa 70 ka outlets sa Luzon ug pagdayon pa nga nagtubo. Si Paolo Dominggo, marketing director sa Cafe Tribu, niingon nga wala pa kini sa Sugbo busa ilang gipaila dinhi ug mas maayong mopalit na og
franchise ning panahona.
"If maging phenomenal ito, definitely tataas ang presyo," matod ni Dominggo.
Gipasabot ni Dominggo nga talagsaon ang kalami sa kape sa Cafe Tribu tungod sa paggamit sa lokal nga produkto sa mga mag-uuma.
"Homegrown coffee ito. We wanted also to empower our coffee farmers," dugang niya nga maabot lang presyo kon itande sa mga kape sa mga inilang coffee chains. "We have coffee from Batangas, Benguet and Sagada coffee," matod ni Domingo. Dunay package sa tanyag nga franchise - ang P350,00 nga kiosk ug P3.5 milyon nga all-in coffee shop nga dunay igong gidak-on. Ang kiosk, supply nga kape, coffe maker, training sa personnel ug ubang kahimanan kabahin na sa package. Sa coffee shop type, ang kompaniya tanan ang bahala sa pagpanindot sa sulod busa all-in.
Ang andamon na lang sa franchisee mao ang kantidad sa package ug lugar. Hinuon, ang marketing sa kompanya moabag sa pagtan-aw sa lugar nga maayo sa negosyo. Si Domingo niingon nga ang kompaniya nagplano nga makaabli og dili mominos 100 ka outlets sa Visayas sa 2018. Gihagit ni Domingo ang mga entreprenuer sa pagsakay sa opurtunidad pinaagi sa pagbista sa website sa Cafe Tribu.