Canillas-A, RCB mag-abot sa championship game sa ABL

Parehong gipangpukan sa Canillas-A ug sa Rongcales Customs Brokerage (RCB) ang ilang tagsatagsa ka mga kaatbang aron pagabante sa finals sa Aduana Basketball Legends (ABL) basketball niadtong Martes sa gabii sa barangay Tinago gym, ning dakbayan.

Unang nakuha sa topseed Canillas-Team A ang luna sa finals human ilang gipilde ang YG Logistics and Customs Brokerage sa iskor, 74-64 samtang midaog sab ang no. 2 seed RCB batok sa ECU Worldwide, 74-68.

Silang Marvin Sillar, Noel Medalle ug Ferdie Sigue maoy nag-aswat sa Canillas-A ni team owner Roy Canillas.

Silang Sillar ug Medalle miposa og 17 ug 16 puntos matag usa samtang miamot og 14 puntos si Sigue lakip ang upat ka three-pointers.

Ang mga assists ni Jingjing Rama maoy nagdireher sa masayon nga opensa sa Canillas.

Si Jerry Jaca maoy nangu sa YG sa iyang 16 puntos.

Sa laing duwa, pulos mi-antog og 12 puntos matag usa silang Loreto Castillo, Johnrey Cartagena ug Bsnjo Libran aron pangulohan ang opensa sa DCB samtang midugang og 11 puntos si Mark Tan. Puntos matag usa Unang duwa

Canillas-A (74) - Sillar 17, Medalle 16, Sigue 14, Dela Cerna 8, Diano 4, Viodor 4, Dela Pena 3, Rama 2, Embrado 2, Belarmino 2

YG (64) - Jaca 16, Gonzales 9, Pastor 7, Bitang 7, Labana 6, Bejoc 4, Villahermosa 4, Fuentes 3, Velez 2, Rodriguez 2. Ikaduhang duwa RCB (74) - Castillo 12, Cartagena 12, Libran 12, Tan 11, Engracial 6, Amahit 4, Velarde 4, Agustinez 4, Rongcales 2

ECU (68) - Mondin 16, Guirit 10, Jovita 10, Deniega 9, Canete 8, M. Canal 6, Hijara 2, Taladua 2.