IFM DJ BOY KIRAT SAYO MAMUKAW SA PASKO
Karong Dec. 25, halandumon ning adlawa kang iFM DJ Boy Kirat kay mao sab ni 12th death anniversary sa iyang papa nga nitaliwan dihang second year high school pa lang siya. Mao diay maayo siya manambag sa iyang mga listener kay sayo napukaw ang iyang kaisipan sa reyalidad sa kinabuhi. Nag-working student siya sa kolehiyo, nag-tutor, nag-host ug nag-cultural dancer aron lang makalampos.
Tungod sa iyang pagkugi, usa siya sa mga gipada sa iyang employer sa iyang gi-tutoran sa usa ka cultural exhibit sa Seoul ug Bucheon city sa Korea niadtong 2010.
Human siya nigradwar sa kursong Psycholo�y sa University of the Philippines pagkasunod tuig, nahimo siyang HR training officer sa Pages Holdings Inc., diin lakip sa iyang mga gi-train ang mga kawani sa mga sikat nga establisemento sa Sugbo.
Karon, siya na ang program director sa top-rating station nga 93.9 iFM ug naila sa iyang mga pasiaw ug pamukaw nga mga programa sa kabuntagon. DJ Boy Kirat, kun Brent
Estrada Pleños sa tinuod nga kinabuhi, Ssssuper Ka! Pang-MMK sad diay imong life story?
Oo, mao bitaw kada Pasko o sa akong birthday, mag-feeding program �yud ko sa kabataan isip pasalamat. Active sad ko sa relief operation sa lain-laing pundok sa komunidad.
Ngano gitawag man kag Boy Kirat?
Budlat bitaw gyud ko. Pag last July nag-brainstorming mi. Naa toy nitawag nako og Boy Bangas, Baby Bungot hangtod sa Boy Kirat! Hahaha!
Unsay pinakalisod nga part isip DJ?
You’ll have to fake your emotions sometimes bisan wa ka sa mood. Kana sad naay magpapiktyur, unya dili baya ko artistahon og nawong, naay mokihat sa mall or sa simbahan, “Hi, dj rob rider/ boy kirat” tapos wa koy ligo or dili ko dressed up.
Nakasuway na ka ma in-love sa imong listener?
Sa co-dj. Ahw. Hahaha. Not to boast, usually listener may mopakita og interest or ma-in love kunuhay namo. Hahaha! Feeler. Pero naka-fling og listener? Kadaghan na, sa una ra nuon. Karon, loyal ko uy niya, este sa iFM!
Unsay mga programa nimo sa i?
5 a.m.-6 a.m. is iBANGON na!; 6-9 a.m. kay iBUNTAG NA! Ang 6-9 a.m. kay first part pasiaw ug discussion sa current events plus daily morning prayer namo; 6:30 a.m. – news plus showbiz; 7 a.m. is live drama, ang segment title – “Ang Mga Luta nga Nipatik sa Panumduman;” 7:30 a.m. kay debate na with segment title –”iUnsa Kaha?;” 8 a.m. kay live nga pagkanta ug pagbasa og messages from listeners with segment title – “Shudi Abas sa i.” Akoang tandem ani nga dj kay si Maria Pikat plus naa pa jud mi voice talent nga si Maria Bogart Cosajos.
Ngano mga funny man inyong airname?
Lisod jud ang competition sa radio, that’s why we came up with something nga makakuha og atensyon sa listeners. I also used to handle programs nga motambag sa mga problema on-air, pero karon lain na nga dj ang among gipa-handle kay di na nako maato.
Ngano patok kaayo mo sa masa?
Pangmasa man jud among songs plus ang programs nga gi-offer. Kanang tambag-tambag, ang balita ug ang drama mao man nay ilang kinaham. Swerte pud mi kay kami ang FM sa dyHP 612. So ang ilang news amoa pud ma-utilize and I always tell our dj to be one with the listeners. Dili kay feel sa listener nga mura mig artista nga taas mi unya ubos sila.
Sa latest KANTAR survey ikapila ang i?
No. 4. When I joined the team last 2011 #2 sila, then nag-#1 for how many years. Pero despite nga Top 4 mi thankful kaayo mi sa support sa old and especially sa new listeners namo. Salamat kaayo mga iDOL!
Unsay tambag nimo sa mga dili happy karong Paskoha?
Usahay ang blessing ato rang gibase sa gibag-on sa atong pitaka. Kalimot ta nga ang pamilya, higala ug ang imong trabaho/pag-eskwela kay super nindot na na nga blessings from Him. Start counting your own blessings and not the blessings of other people. And for a prosperous New Year, kugi lang jud. Kung naay chance nga maka 2nd source of income or raket, go jud. Basta never compromise lang sa health. /