Vendors sa Tabunok moreklamo sa Ombud
Gitukod ni Mayor Eduardo Gullas nga market committee gireklamo nga mipabor sa grupo sa mga manindahay nga natukod atol sa administrasyon ni Gullas mga reklamante nagplanong modangop sa Ombudsman.
Ang labing dako nga organisasyon sa merkado sa Tabunok mibutyag usab nga aduna karoy mga lakang ang market
committee pagbuak sa ilang grupo pinaagi sa paghimog lain- grupo sa matag section.
Hinuon si City Administrator Rudelyn Navarro mihikakak sa pasangil ug miawhag sa mga mireklamo sa pag-adto sa iyang buhatan.
Kahinumdoman, atol sa gihimong groundbreaking ceremony sa pagsugod nagtukod sa modernong merkado sa Tabunok niadtong Septiyembre sa miaging tuig dungan nga nanumpa usab sa ilang katungdanan ang mga opisyal sa Tabunok Fish Vendors Association.
Kining maong mga opisyal ug ilang mg miyembro maoy sentro karon sa reklamo human giingong naneguro sa puwesto bisan diha palang sa ilang temporaryong gibalhinan.
Si Marivic Lasquite, bise presidenti sa Tabunok Public Market Vendors Association (TAPUMAVA) maoy orihinal nga organisasyon diha sa Tabunok tungod kay sa dihang kasamtangan silang gibalhin niadtong buwan sa Agusto sa temporaryong tindahan.
Iyang gibutyag nga tanang mga opisyal ilang paryente , higala nga manidahay gibutyag sa atubangan nga bahin samtang sila ubang mga manindahay nga di sakop sa ilang organisasyon gibutang sa layo na nga dait nga di na hapit maabot ang mga mamalitay.
Samtang matod ni Lasquite nga di sila gusto nga sa higayong mamalhin na sila sa ilang puwesto sa bag-ong merkado mao gihapon kini ang mahitabo nga adunay pagpabor-pabor ang market committee.
Gani nakadawat silag report nga mismo ang maong grupo nag-away na tungod kay wa magkasinabot sa ilang puwesto kon asa sila mahimutang kon mahuman na ang merkado sa Tabunok. Gumikan niini nanawagan sila ni Gullas ug ni Kong. Samsam Gullas nga mopatunga niini.