ABO SA INAHAN GIKAON SA ANAK

Ang nagbangutan nga si Debra Parson ang abo sa iyang inahan nga si Doreen maoy iyang ipahinapon karong Pasko pinaagi sa pagsabwag niini sa turkey nga iyang lutuon.

Alang sa iyang dessert nga Christmas Pud sama sa gihapon iyang dihugan sa abo sa iyang inahan.

Si Debra, 41, nadasig sa pagkaon sa abo ni Doreen sukad namatay kini niadtong Mayo ug mokuha kinig usa ka kutsara sa mga adlaw kay buot masuod pa siyag maayo sa iyang inahan.

Apan ning nagsingabot ang Pasko, ang iyang gana nagkataas.

Nitataw siya nga mao ra kini ang makapahupay sa iyang Pasko nga sa unang higayon di sila magkuyog sa iyang mama.

“People might think I’m mad or that it’s not a very respectful thing to do but I just can’t stop myself. I see it as a positive thing – allowing her to be close to me and also involving her in the family day,” matod ni Debra nga gikutlo sa Mirror News.

Iyang gituohan nga sa iyang pagkaon sa abo niini daw sa mabuhi kini uban kaniya kay nahimo na kini nga kabahin karon kaniya.

Si Doreen kalit nga namatay dihang may nibabag sa agianan sa iyang hangin samtang misakit iyang dughan niad-

tong Mayo.

Laing trahedya ang nasinati ni Debra nga may duha ka anak dihang namatay iyang anak nga lalake naidtong Pasko sa 1996 nunot kay premature kini.

Taas nga higayon nga nagbangutan nunot sa nahanaw niang anak apan dihang namatay si Doreen nahibalik na usab iyang kaguol.

“My mum and I had a really strong bond and one which could never be broken, even by

death,” padayag ni Debra. Nitataw siya nga ang iyang inahan maoy nagtabang kaniya sa kalipay ug kasakit sa iyang kinabuhi apan kalit ning nawala.

Human sa cremation niini nagsige siya og huna-huna kon unsay iyang buhaton sa abo ni Doreen apan gisalikway niya ang ideya nga isabwag kini sa usa ka dapit nga maoy gusto sa iyang inahan.

Maglisod pa siya sa pagbuhi sa iyang emosyon ning pagkawala sa iyang mama kansang daghan pang butang nga wa niya masulti niini ug mingawon siya niini sa umaabot nga mga adlaw.

Si Debra nipasabot nga kon isabwag niya ang abog sa iyang inahan daw sama ra nga iyang gilabay kini.

Duha ka buwan ang nakalabay, usa sa iyang igsuon nga babaye nga wa masayod sa iyang mga ritwal mihatod sa mga abog sa ilang inahan ngadto kaniya. /

/ MIRROR NEWS ■ MOKAON: Si Debra Parson uban sa iyang inahan dihang buhi pa kini pwerte nilang suora apan di siya buot nga maputol kini nga relasyon busa iapil niya ang abo niini sa iyang pagkaon.