Pabor sa LGBT?

Nalipay ang grupo sa LGBT (lesbian, gay, bisexual, and transgender) sa dakbayan sa Davao niadtong Disyembre 17, tungod sa pulong ni Presidente Rodrigo Duterte atubangan kanila nga dili siya supak sa same-sex marriage apan, iyang gipasabot nga kinahanglan sa pag-amendar sa balaod nga nagdili niini.

Nag-istorya kaha ang Presidente gikan sa iyang kasingkasing? Dako kining kausaban sa iyang pamahayag niadtong Marso ning samang tuig nga supak siya sa same-sex marriage pinaagi sa pagtumbok sa Civil Code sa Pilipinas. Niani kini og mga pagsaway gikan ni Senador Risa Hontiveros ug walhong mga magbabalaud nga naningkamot sa kawsa alang sa LGBT.

Sa ulahing pamahayag ni Duterte, nimugna kini og mga komentayo ug kuwestiyon sa isyu sa same-sex gikan sa nagkalainlaing grupo o sektor sa katilingban labi na ang simbahang Romano Katoliko.

Ang mga walhon, lakip ni Hontiveros, nagpakahilom human pabor kini sa ilang baroganan. Diskarte ka kaha ni sa presidente sa pag-ataki gikan sa mga walhon? Ang liderato sa Romano Katoliko sa nasod subling nipadayag sa ilang hugot nga pagsupak sa panagminyo sa sama og sex ug imoral nga buhat nga dili kabubut-on sa Labaw Makagagahom.

Sakop sa LGBT nga magbabalud nipasupot sa iyang hunahana nga same-sex marriage nakasugat og igong pagsupak apan, dason niya, mas maayo nga sa pagkakaron nga iduso ang “legal partners” sa managsama og sex.

Hinuon, ang pamahayag ni Duterte niadtong Dominggo, senyales ba kaha sa pagtuman sa iyang usa sa mga saad sa miaging kampanya sa eleksiyon? Siya nagkanayon mosuporta sa kawsa sa LGBT. Sumala niya, ang LGBT community dunay patas nga pagtagad sa sosyedad sa iyang dapit sa Davao.

Makausa iyang gisultihan ang TV host Vice Ganda nga “No gay person is disrespected. Because I don’t like oppression.”