Abusado kay nagsalig sa kuwarta
Dugay nako nakadungog sa mga pangabuso ug panghambog sa mga batabata ug pulitiko nga midagan sa pagka mayor apan napildi.
Karon naprobar na human nabulgar ang pangabuso ni Rey Arban, sud sa usa ka bar sa siyudad sa Sugbo.
Nanghasi ug nagpabuto pa sa iyang armas nga miresulta sa kaguliyang sa mga customers.
Human sa hitabo misakay og taxi si Arban ug gida sa drayber ngadto sa police station kay nakatog sa kahubog. Didto nahibaw-an nga si Arban maoy nanghasi sud sa Bbar kuyog sa 20 ka mga batabata sa pilderong pulitiko nga si Daphne Lagon sa lungsod sa Tuburan Cebu.
Kon pila ang kantidad sa kadaot nga nahimo sa batabata ni Lagon, kaya ra kaayong bayran kay gasigi man silag panghambog ug pagpanabi nga kuwartahan ang ilang amo.
Nanghambog man gani nga nabayran ang huwes ug minilyon ka pesos. Nanghambog man sab nga naka palit ug buwangan sa kantidad nga P150 milyon.
Lisud lagi ning kagaw sa hambog kay mosaka na gani sa utok bisag ang agalon dina maka control kay gipanghambog man sab ang pagka dato.
Sa isyu nga way lisensya ang armas ni Arban ug unya dunay permit to carry. Pagka dako niining isyu ug tulubagon sa suspek.
Gawas niini , nganong ingon niini ka daghan ang mga batabata ni Lagon?
Unsa man duna silay gubat nga gipangandaman?
Wa pa gani mahimong mayor nagtiner naman ug private army ba ang tawag niini?
Di ra ba ganahan si Presidente Duterte og pulitiko nga abusado ug ilabi na kanang maghupot ug daghang body guard.
TIBOOK PAMILYA NAMATAY
Grabi kaayo ang kadaot nga namugna sa bagyong Urduja .
Diman kusog ang bagyo pero ang landslide tungod sa uwan maoy naka pahumok sa yuta nga miresulta sa landslide.
Dul-an na sa 50 ka mga tawo ang nanganatay ug wa pay labot niini ang missing. Og giingon nga dunay tibuok pamilya ang nangamatay kay natabunan sa yuta.
Sa ato pa, di ang bagyo ang atong kahadlukan kon di ang pagsigig uwan.
Maayo nalang gani ang umaabot nga bagyo nahimo nalang nga low pressure area. Apan bisan pa niini angayan tang mahadlok kon magsigig uwan kay humok na daan ang yuta.
Kamo nga nagpuyo nga anaa sa taas sa bukid ug anaa sa ubos Di kamo luwas ug pagpakisayud sa mga hingtungdang ahensya.